ព័ត៌មានថ្មីប្រចាំថ្ងៃ

http://www.msktvonline.com/

Monday, April 19, 2021

អភិបាលខេត្តកណ្ដាល ចុះពិនិត្យទីតាំងត្រៀមសម្រាប់ធ្វើទីផ្សារបោះដុំបន្លែបណ្តោះអាសន្ន ជំនួសឱ្យផ្សារដើមគរ

អ្នកទស្សនា: Views

  


កណ្តាល៖ នៅវេលាយប់ថ្ងៃទី១៨ ឯកឧត្ដម គង់ សោភ័ណ្ឌ អភិបាលខេត្តកណ្តាល និងក្រុមការងារជំនាញពាក់ព័ន្ធ បាន​ចុះពិនិត្យទីតាំងត្រៀមធ្វើជាទីផ្សារបោះដុំបន្លែបណ្តោះអាសន្ន ជំនួសឱ្យទីផ្សារដើមគរ ក្នុងភូមិ​សាស្ត្រ​ខេត្តកណ្តាល ស្របតាមការស្នើសុំរបស់សាលារាជធានីភ្នំពេញ ខណៈដែលអាជ្ញាធរ​រាជ​ធានីភ្នំពេញបានចេញសេចក្តីសម្រេចកាលពីពេលថ្មីៗនេះ ផ្អាកលក់ដូរបណ្តោះអាសន្ន រយៈ​ពេល១៤ថ្ងៃ គឺចាប់ពីថ្ងៃទី១៨ ខែមេសា រហូតដល់ថ្ងៃទី០១ ខែឧសភា ឆ្នាំ២០២១។ ការចុះ​​ពិនិត្យនេះ បានធ្វើឡើងកាលពីរសៀល ថ្ងៃទី១៨ ខែមេសា ឆ្នាំ២០២១។

សូមបញ្ជាក់ថា កាលពីពេលថ្មីៗនេះអាជ្ញាធររាជធានីភ្នំពេញបានចេញសេចក្តី​សម្រេច​ផ្អាកលក់ដូរបណ្តោះអាសន្នផ្សារដើមគរ រយៈពេល១៤ថ្ងៃ គឺចាប់ពី ថ្ងៃទី១៨ ខែមេសា រហូត​ដល់ ថ្ងៃទី០១ ខែឧសភា ឆ្នាំ២០២១ បន្ទាប់ពីប៉ុន្មានថ្ងៃចុងក្រោយ ក្រសួងសុខាភិបាលបានរក​ឃើញករណីវិជ្ជមានវីរុសកូវីដ-១៩ លើអាជីវករ និងអ្នកពាក់ព័ន្ធផ្សេងទៀត ប្រមាណ១០០នាក់ ក្នុងព្រឹត្តិការណ៍ សហគមន៍ ២០កុម្ភៈ នៅផ្សារដើមគរ ក្នុងរាជធានីភ្នំពេញ។

ដោយប៉ុន្មានថ្ងៃនេះ មានឆ្លងរាលដាល ជំងឺកូវីដ ១៩ យ៉ាងឆាប់រហ័ស គួរឱ្យព្រួយ​បារម្ភ ដែលស្ថានភាពនេះ ត្រូវចាត់វិធានការសុខាភិបាលដើម្បីទប់ស្កាត់ចំពោះមុខជាបន្ទាន់ ទើប​អាជ្ញាធរខេត្តកណ្តាល សម្រេចរៀបចំត្រៀមបង្កើតផ្សារបោះដុំបន្លែនេះឡើង៕

0 Reviews:

Post a Comment