Monday, August 2, 2021

វ៉ាក់សាំងកូវីដ១៩ Johnson Johnson ដែលជាជំនួយអាមេរិកជំហានទី២ ចំនួន ៦០៩,៦០០ដូសបន្ថែមទៀត បានមកដល់កម្ពុជាហើយនៅយប់មិញ

អ្នកទស្សនា: Views


ភ្នំពេញ :ថ្ងៃទី២ ខែសីហា ឆ្នាំ២០២  វ៉ាក់សាំងកូវីដ១៩ Johnson & Johnson ដែលជាជំនួយរបស់រដ្ឋាភិបាល និងប្រជាពលរដ្ឋអាមេរិក ចំនួន៦០៩,៦០០ដូសបន្ថែមទៀត តាមរយៈមជ្ឈមណ្ឌលកូវ៉ាក់ បានដឹកមកដល់ប្រទេសកម្ពុជាហើយ នៅយប់​ ០០:៤០នាទីអាធ្រាត្រចូលថ្ងៃទី២ ខែសីហា ឆ្នាំ២០២១ ដែលចំនួននេះជាជំហានទី២ នៃជំនួយសរុប១លានដូសមកកាន់កម្ពុជា។

តាមរយៈមជ្ឈមណ្ឌលកូវ៉ាក់សាំង, សហរដ្ឋអាមេរិក បានប្រកាសផ្តល់វ៉ាក់សាំងចំនួន ១លាន៦ម៉ឺន១០០ដូស (១,០៦០,១០០) ដល់រាជរដ្ឋាភិបាល និងប្រជាពលរដ្ឋកម្ពុជា ដោយជំនួយលើកទី១ ទទួលបានរួចហើយចំនួន ៤៥០,៥០០ដូស និងលើកទី២នេះ ចំនួន ៦០៩,៦០០ដូស។

អំណោយនេះគឺជាផ្នែកមួយនៃការគាំទ្រជាបន្តបន្ទាប់របស់សហរដ្ឋអាមេរិក ចំពោះប្រជាពលរដ្ឋកម្ពុជា និងនៅក្នុងតំបន់ ក្នុងពេលកំពុងតែប្រឹងងើបចេញពីជំងឺរាតត្បាតយ៉ាងធ្ងន់ធ្ងរនេះ។

វ៉ាក់សាំង គឺជាឧបករណ៍ដ៏សំខាន់មួយក្នុងការប្រយុទ្ធប្រឆាំងនឹងជំងឺកូវីដ១៩ ដែលកំពុងរីករាលដាលលើពិភពលោក។ រាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន ជាប្រមុខនោះ ក៏បានដាក់ចេញផែនការផ្តល់វ៉ាក់សាំងជូនប្រជាពលរដ្ឋ ជាផែនការយុទ្ធសាស្ត្រមួយក្នុងការប្រយុទ្ធប្រឆាំងនឹងជំងឺកូវីដ-១៩។ កម្ពុជា ក៏បានស្វះស្វែងយ៉ាងខ្លាំងក្នុងការរកវ៉ាក់សាំងមកចាក់ជូនប្រជាពលរដ្ឋ។

តាមប្រភពព័ត៌មានពីទូរទស្សន៍ជាតិកម្ពុជា​​ បានឲ្យដឹងថា មកដល់ពេលពេលបច្ចុប្បន្ននេះ កម្ពុជា រកបានវ៉ាក់សាំងជាង ១៩ លានដូសហើយ ដែលក្នុងនោះមានទាំងការផ្តល់ជំនួយ និងការបញ្ជាទិញ។

ដើម្បីចូលរួមប្រយុទ្ធប្រឆាំងនឹងការរាតត្បាតជំងឺកូវីដ១៩នៅកម្ពុជា មានប្រទេសជាមិត្តចំនួន៤ហើយ បានផ្តល់ និងប្រកាសផ្តល់ជំនួយវ៉ាក់សាំងមកកម្ពុជា។

ប្រទេសដែលបានផ្តល់ និងបានប្រកាសផ្តល់រួមមាន៖ ចិន ផ្តល់វ៉ាក់សាំងជាង ៣លានដូស ជប៉ុន ១លានដូស អាមេរិក ១លានដូស និងអង់គ្លេស ៤១ម៉ឺន ៥ពាន់ដូស៕

សម្រួលផ្សាយ៖ Anhotnews

រដ្ឋបាលរាជធានីភ្នំពេញ៖ កុមារអាយុ ១២ឆ្នាំ ដល់១៧ឆ្នាំ បានមកទទួលការចាក់វ៉ាក់សាំង បង្ការជំងឺកូវីដ-១៩ យ៉ាងច្រើននៅតាមទីតាំងចំនួន ៣៩កន្លែង តាមបណ្ដាខណ្ឌទាំង១៤

អ្នកទស្សនា: Views



 ភ្នំពេញ: ថ្ងៃទី០២ ខែសីហា ឆ្នាំ២០២១ រាជរដ្ឋាភិបាលកម្ពុជា នៅថ្ងៃ៨រោច ខែទតិយាសាឍ ឆ្នាំឆ្លូវ ត្រីស័ក ពស ២៥៦៥ ត្រូវនឹងថ្ងៃអាទិត្យ ទី០១ ខែសីហា ឆ្នាំ២០២១នេះ គឺជាថ្ងៃនៃ ការចាប់ផ្តើមដំណើរការចាក់វ៉ាក់សាំងការពារជំងឺកូវីដ-១៩ ជូនកុមារ និងយុវវ័យអាយុចាប់ពី ១២ឆ្នាំ ដល់១៧ ឆ្នាំ ក្នុងភូមិសាស្ត្ររាជធានីភ្នំពេញ ហើយនៅថ្ងៃទី០១នេះ គេបានសង្កេតឃើញកុមារ និងយុវវ័យយ៉ាងច្រើនលើសលប់ បានសម្រុកមកទទួលការចាក់វ៉ាក់សាំង ទៅតាមការចាត់ចែងរបស់អាជ្ញាធររាជធានីភ្នំពេញ  និងក្រសួងសុខាភិបាលពេញៗមណ្ឌល ។

នៅព្រឹកថ្ងៃទី០១ ខែសីហា ឆ្នាំ២០២១នេះ ដែលជាថ្ងៃដំបូងនៃការចាក់វ៉ាក់សាំងជូនកុមារ និង យុវវ័យនេះគេឃើញអាជ្ញាធរខណ្ឌ សង្កាត់ បានយកចិត្តទុកដាក់យ៉ាងខ្លាំងពិសេស គឺការរៀបចំសណ្តាប់ធ្នាប់ និងជំរុញឱ្យរក្សាគម្លាតសុវត្ថិភាពសង្គម កុំឱ្យរីករាលដាលជំងឺកូវីដ -១៩ ។

  ជុំវិញការចាក់វ៉ាក់សាំងជូនកុមារខាងលើ នៅព្រឹកថ្ងៃទី០១ ខែសីហានេះ នៅទាំង ៣៩ទីតាំង បានដំណើរការទៅដោយរលូន ។  

ចំណែកអភិបាលរាជធានីភ្នំពេញ ឯកឧត្ដម ឃួង ស្រេង បានព្រមានរួចហើយទៅអាជ្ញាធរ ខណ្ឌ សង្កាត់ ភូមិ គឺមិនអនុញ្ញាតឱ្យមានជាដាច់ខាត ចំពោះការយកលុយជាថ្នូរនៃការផ្តល់ប័ណ្ណចាក់វ៉ាក់សាំងជូនកុមារ ។ បើមានករណីបែបនេះនឹងមានបញ្ហាប្រឈមជាមួយនឹងអាជ្ញាធររាជធានីភ្នំពេញ ពោលគឺរដ្ឋបាលរាជធានីភ្នំពេញមិនមានការយោគយល់ឡើយ ។  

សូមបញ្ជាក់ថា បើយោងតាមការជូនដំណឹងរបស់រដ្ឋបាលរាជធានីភ្នំពេញ កាលពីថ្ងៃទី២៩ ខែកក្កដា ឆ្នាំ ២០២១ ការចាក់វ៉ាក់សាំងការពារជំងឺកូវីដ-១៩នេះ ដូសទី១ធ្វើឡើងរយៈពេល១ ថ្ងៃ ចាប់ពីថ្ងៃទី០១ ដល់ថ្ងៃទី១៤ ខែសីហា ឆ្នាំ២០២១ និង ដូសទី២ ចាប់ផ្តើមពីថ្ងៃទី២២ ខែសីហា ដល់ថ្ងៃទី០៤ ខែកញ្ញា ឆ្នាំ២០២១ ។  

ចំពោះកុមារ និងយុវវ័យ មានអាយុចាប់ពី១២ឆ្នាំ ដល់ក្រោម១៨ឆ្នាំ ដែលមកចាក់វ៉ាក់សាំង បង្ការជំងឺកូវីដ-១៩ ត្រូវយកមកជាមួយនូវឯកសារមួយចំនួន ដូចជា សំបុត្រកំណើត ឬសៀវភៅស្នាក់នៅ ឬ សៀវភៅគ្រួសារ ឬលិខិតឆ្លងដែន ។   យុវវ័យចាប់ពីអាយុ ១៥ឆ្នាំ ដល់អាយុក្រោម១៨ឆ្នាំ ត្រូវយកមកជាមួយនូវសំបុត្រកំណើត ឬ អត្តសញ្ញាណប័ណ្ណ សញ្ជាតិខ្មែរឬ សៀវភៅ ស្នក់នៅ ឬសៀវភៅគ្រួសារ ឬលិខិតឆ្លងដែន ភ្ជាប់មកជាមួយការចាក់វ៉ាក់សាំងកូវីដ-១៩ ដល់កុមារ និងយុវវ័យមានអាយុចាប់ពី១២ឆ្នាំ ដល់ អាយុ១៧ឆ្នាំ ត្រូវមានលិខិតព្រមព្រៀងអនុញ្ញាតឱ្យចាក់វ៉ាក់សាំងបង្ការកូវីដ-១៩ ជាលាយលក្ខ ណ៍អក្សរ ពីសំណាក់មាតាបិតា និងអាណាព្យាបាល ក្នុងករណីកុមារ ឬយុវវ័យនោះស្នាក់នៅ ឆ្ងាយពីមាតាបិតា ឬ អាណាព្យាបាល តម្រូវឱ្យមាតាបិតា និង អាណាព្យាបាលបំពេញនូវ លិខិតព្រមព្រៀងនេះ ជាលាយលក្ខណ៍អក្សរ ហើយផ្ញើតាមប្រព័ន្ធអនឡាញ មកបុត្រធីតា ឬ សាច់ញាតិ ដើម្បីផ្តល់ឱ្យគ្រូពេទ្យនៅទីតាំងចាក់វ៉ាក់សាំងផ្ទាល់ ។

ចំពោះ អ្នកគ្រប់គ្រងចំពោះកុមារកំព្រា ដែលរស់នៅតាមមណ្ឌលវិញ ក្នុងករណីកុមារ និងយុវវ័យនោះ ជាជនអនាថាដែលពុំមាន អាណាព្យាបាល ឬ មិនមានទីតាំងស្នាក់នៅពិតប្រាកដ ត្រូវមានលិខិតបញ្ជាក់ចេញដោយអាជ្ញាធរមូលដ្ឋាន ៕

ដោយ៖ សួស សំរិត, សម្រួលផ្សាយ៖ កន ចំណាន  

Sunday, August 1, 2021

រដ្ឋបាលខេត្តកំពង់ធំ បង្ហាញអត្តសញ្ញាណអ្នកវិជ្ជមានកូវីដ១៩ ចំនួន ៧២នាក់ ខណៈជាសះស្បើយ ១៥នាក់ និងករណីស្លាប់ ២នាក់

អ្នកទស្សនា: Views


 ភ្នំពេញថ្ងៃទី៣១ ខែកក្កដា ឆ្នាំ២០២១


ព្រឹកនេះ សម្តេចតេជោហ៊ុនសែនអញ្ជើញបើកយុទ្ធនាការចាក់វ៉ាក់សាំងជូនក្រុមមនុស្សអាយុចន្លោះពី ១២ ទៅ១៧ឆ្នាំ នៅវិមានសន្តិភាព

អ្នកទស្សនា: Views

  នៅព្រឹកថ្ងៃទី០១ ខែសីហានេះ សម្តេចអគ្គមហាសេនាបតីតេជោ
ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា នឹងអញ្ជើញធ្វើជាអធិបតីក្នុងពិធីបើកយុទ្ធ នាការចាក់វ៉ាក់សាំងជូនក្រុមមនុស្សអាយុចន្លោះពី ១២ ទៅ ១៧ឆ្នាំ នៅវិមានសន្តិភាព។ជាមួយនឹងអញ្ជើញជាអធិបតីនៃពិធីបើកយុទ្ធនាការនេះ សម្តេចតេជោក៏នាំចៅៗអាយុចន្លោះពី ១២ ទៅ ១៧ឆ្នាំ ទៅចាក់វ៉ាក់សាំងបង្ការជំងឺកូវីដ- ១៩ មុន ដំបូងគេនៃយុទ្ធនាការចាក់វ៉ាក់សាំងនេះ ហើយបន្ទាប់មកទៀតសម្តេចតេជោ ក៏នឹងធ្វើសន្និសីទសារព័ត៌មានផងដែរ ។

     សម្តេចតេជោនាយករដ្ឋមន្រ្តី  មានប្រ សាសន៍ក្នុងពិធីទទួលវ៉ាក់សាំងជំងឺកូវីដ ១៩ AstraZeneca ដែលជាជំនួយរបស់រដ្ឋាភិបាលនិងប្រជាជនជប៉ុន នៅអាកាស យានដ្ឋានអន្តរជាតិភ្នំពេញ កាលពីរាត្រីថ្ងៃ ទី២៣ខែកក្កដាឆ្នាំ២០២១ថា យុទ្ធនាការនេះ នឹងចាប់ផ្ដើមចេញពីរាជធានីភ្នំពេញមុនដំបូងគេ  ខណៈដែលរាជធានីភ្នំពេញមានប្រជាជនអាយុចន្លោះពី ១២ ទៅ ១៧ ឆ្នាំ ចំនួនប្រហែល ២៣ម៉ឺននាក់។

   សម្តេចតេជោ ហ៊ុន សែន បានបញ្ជាក់ទៀតថា ការចាក់វ៉ាក់សាំងជូនក្មេងអាយុចាប់ពី ១២ឆ្នាំ ទៅ១៧ឆ្នាំនេះ ជាចំណុចពិសេសក្នុងការបើកដំណើរការសង្គមឡើង វិញ ជាពិសេសការសិក្សានៅតាមសាលា រៀនដែល យ៉ាងហោចណាស់ចាប់ពីថ្នាក់អនុវិទ្យាល័យឡើង។ ការចាក់វ៉ាក់សាំងនេះ នៅតែឈរលើគោលការណ៍ស្ម័គ្រចិត្ត៕


Saturday, July 31, 2021

រដ្ឋបាលខេត្តកំពង់ឆ្នាំង បានទទួលអំណោយជាស្បៀង ដើម្បីទុកផ្គត់ផ្គង់គ្រោះមហន្តរាយ និងសកម្មភាពទប់ស្កាត់ការរីករាលដាលជំងឺកូវីដ-១៩ ពីអង្គការរ៉តធ័រអេតប្រចាំកម្ពុជា

អ្នកទស្សនា: Views

ខេត្តកំពង់ឆ្នាំង: ថ្ងៃទី៣១ ខែកក្កដា ឆ្នាំ២០២១

លោក ឆាត សុភាព នាយក វ៉តធ័រអេតប្រចាំកម្ពុជា រួមនឹងសហការីនាំយកអង្ករចំនួន ០២តោន ទឹកបរិសុទ្ធ ២០កេស ត្រីខ៥០យួរ មី៥០កេស ម៉ាស់០២កេស អាល់កុល០៥កានស្មើ១៥០លីត្រ និងសាប៊ូដុសខ្លួនចំនួន ០៥កេស ផ្តល់ជូនដល់រដ្ឋបាលខេត្តកំពង់ឆ្នាំង សម្រាប់ទុកចាត់ចែងទៅតាមតម្រូវការក្នុងអំឡុងពេលការរីកដាលនៃជំងឺកូវីដ-១៩ នេះ ការផ្តល់ជូនអំណោយនាពេលនេះបានធ្វើឡើងនៅថ្ងៃទី៣១ ខែកក្កដា ឆ្នាំ២០២១ ក្រោមអធិបតីភាព ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង និងឯកឧត្តម លោកជំទាវអភិបាលរងខេត្ត រួមនិងមន្ត្រីរដ្ឋបាលខេត្តផងដែរ។

ឯកឧត្តម ស៊ុន សុវណ្ណារិទ្ធិ បានសំដែងនូវអំណរគុណយ៉ាងជ្រាលជ្រៅចំពោះលោកនាយកអង្កការវ៉េតធ័រអេត ដែលបានរួមចំណែកជាមួយរដ្ឋបាលខេត្ដ និងរាជរដ្ឋាភិបាលក្នុងពេលប្រទេសកំពុងរងផលប៉ះពាល់ដោយសារជំងឺដ៏កាចសាហាវ។ ឯកឧត្តម បានប្រសាសន៍បន្តថាៈ អំណោយទាំងអស់ដែលបានមកពីសប្បុរសជន ត្រូវបានបែងចែកទៅតាមគោលដៅ មណ្ឌលធ្វើចត្តាឡីស័ក និងឧបត្ថម្ភដល់ប្រជាពលរដ្ឋរងគ្រោះដោយគ្រោះមហន្តរាយផ្សេងៗក្នុងខេត្តកំពង់ឆ្នាំង ៕

អភិបាលរាជធានីភ្នំពេញ ចុះត្រួតពិនិត្យសកម្មភាពសមត្ថកិច្ច និងអាជ្ញាធរអនុវត្តការដាក់បម្រាមគោចរ ពីម៉ោង៩យប់ ដល់ម៉ោង៣ភ្លឺ

អ្នកទស្សនា: Views

 ភ្នំពេញ: ថ្ងៃទី៣១ ខែកក្កដា ឆ្នាំ២០២១ ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ អញ្ជើញចុះពិនិត្យនៅតាមគោលដៅត្រួតពិនិត្យចាប់ពីម៉ោង០៩យប់ ដល់ម៉ោង១១យប់ នៅខណ្ឌមួយចំនួនដែលអនុវត្តការដាក់បម្រាមគោចរ ចាប់ពីម៉ោង០៩យប់ ដល់ម៉ោង០៣ភ្លឺ នៅក្នុងភូមិសាស្ត្ររាជធានីពេញ ដើម្បីជម្រុញឱ្យសមត្ថកិច្ច និងអាជ្ញាធរខណ្ឌអនុវត្តការងារនេះឱ្យបានម៉ឹងម៉ាត់ និងមានប្រសិទ្ធភាព នាយប់ថ្ងៃទី៣០ ខែកក្កដា ឆ្នាំ២០២១។

រូបថត៖ អុក សុខខឿន


Sunday, July 4, 2021

លោក វីរៈសេនីយ៍ឯក ឥន្ទ មណ្ឌល អធិការ នៃអធិការដ្ឋាននគរបាលក្រុងដូនកែវអមដំណើរដោយ លោកកង អាណាន់ ចុះពិនិត្យទីតាំងគ្រូពេទ្យយកសំណាកនៅពន្ធនាគារខេត្តតាកែវ

អ្នកទស្សនា: Views

 (ក្រុងដូនកែវ​)៖​ នៅព្រឹកថ្ងៃសៅរ៍​ ៩រោច ខែបឋមាសាឍ ឆ្នាំឆ្លូវ ត្រីស័ក ពុទ្ធសករាជ​ ២៥៦៥ ត្រូវនឹងថ្ងៃទី០៣ ខែកក្កដា ឆ្នាំ២០២១ លោក​វរសេនីយ៍ឯក ឥន្ទ មណ្ឌល អធិការ នៃអធិការដ្ឋាននគរបាលក្រុងដូនកែវ បានដឹកនាំកម្លាំងអធិការដ្ឋាន សហការជាមួយកម្លាំងប៉ុស្តិ៍នគរបាលរដ្ឋបាលបារាយណ៍​  និង​កម្លាំងកងរាជអាវុធហត្ថក្រុង អមដំណើរដោយ លោក កង អាណាន់ អភិបាល នៃគណៈអភិបាលក្រុងដូនកែវ។

 ចុះ​ពិនិត្យ​មើល​ក្រុមគ្រូពេទ្យ​យកសំណាក​នៅពន្ធនាគារ ទណ្ឌិតដែលបានប៉ះពាល់ផ្ទាល់ និងប្រយោល ជាមួយនិងទណ្ឌិត​ ឈ្មោះ អ៊ុក ប៉ែត ដែលមានវិជ្ជមាន​កូវីដ​១៩​ ដើម្បី​​ធ្វើតេស្ត​រហ័ស។

 លទ្ធផល​តេស្ដ​គឺ​បានរកឃើញវិជ្ជមានកូវីដ​១៩​  ទណ្ឌិតចំនួន (០២នាក់) បន្ថែមទៀត​ ចំណែក​លទ្ធផល​តេស្ដ​មន្ត្រីពន្ធនាគារ​គឺ​អវិជ្ជមានទាំងអស់​៕








ថ្ងៃចេញផ្សាយ: Sunday, July 04, 2021 | Categories:

Monday, June 21, 2021

ពលរដ្ឋជាច្រើនបាននាំគ្នាបិទផ្លូវកៅស៊ូក្រវ៉ាត់ក្រុងមួយខ្សែដោយសារ រថយន្តដឹកដីធុនធំដឹកលើសចំណុះបណ្ដាលឱ្យខូចផ្លូវ

អ្នកទស្សនា: Views

(ខេត្តតាកែវ)៖ ពលរដ្ឋនៅភូមិអំពិល ឃុំលាយបូរ ស្រុកត្រាំកក់ ខេត្តតាកែវ សម្រេចបិទផ្លូវកៅស៊ូក្រវ៉ាតក្រុងមួយខ្សែដែលមានប្រវែងជាង ២៥០០ម៉ែត បំបែកចេញពីផ្លូវជាតិលេខ 22 ខាងមុខក្លោងទ្វាវត្តឣំពិស្អាងទៅដល់វត្តឣង្គសមាធិ ព្រោះតែរថយន្តដឹកដីធ្ងន់ធំដឹកលើសចំណុះ រាប់សិបគ្រឿងកិនកម្ទេចបណ្ដាលឣោយខូចខាតយ៉ាងដំណំ រហូតក្លាយទៅជាផ្លូវដីវិញហើយ។

សូមបញ្ជាក់ថា៖ ផ្លូវមួយខ្សែរនេះ អង្គភាពព័ត៌មាន មហាសាគរ (www.msktvonline.com)  បានចុះផ្សាយរួចម្តងមកហើយ តែគ្មានអាជ្ញាធរពាក់ព័ន្ធណាមកឣើពើ នឹងរឿងផ្លូវមួយខ្សែនេះឡើយ។

 ចេះតែបណ្ដែតបណ្ដោយឲ្យឈ្មួញគ្រឿងចក្រដឹកលើសទម្ងន់បើកបរកិនកំទេច យ៉ាងអាណាធិបតេយ្យបណ្ដាលឱ្យខូចផ្លូវ និងខាតបង់ថវិកាជាតិ រាប់សិបលាន  ដែលរាជរដ្ឋាភិបាលខិតខំអភិវឌ្ឍន៍ឡើងដើម្បីឱ្យប្រជាពលរដ្ឋ បានធ្វើដំណើរប្រកបអាជីវកម្ម។

ដូច្នេះសូមអាជ្ញាធរ ពាក់ព័ន្ធទាំងអស់មេត្តាចុះពិនិត្យ មើលផ្លូវកៅស៊ូមួយខ្សែនេះផង កុំឱ្យប្រមុខរាជរដ្ឋាភិបាល ខំកសាងផ្លូវរួចហើយ បែរជាទៅកម្ទេចផ្លូវដែលបានសង់រួចបែបនេះ។ 

ប្រជាពលរដ្ឋទាំងអស់សំណូមពរ ឯកឧត្តម ឣ៊ូច ភា អភិបាល នៃគណៈអភិបាលខេត្តតាកែវ មេត្តាគិតគូរឡើងវិញជាពិសេសគឺលោក ណុប ណី ប្រធានគមនាគមន៍ខេត្តតាកែវ ចុះពិនិត្យមើលផ្លូវមួយខ្សែនេះផងទាន... !











ថ្ងៃចេញផ្សាយ: Monday, June 21, 2021 | Categories: