ថ្ងៃអាទិត្យ ១៤ រោច ខែផល្គុន ឆ្នាំថោះ បញ្ជស័កពុទ្ធសករាជ ២៥៦៧ ត្រូវនឹងថ្ងៃទី ៧ ខែមេសា ឆ្នាំ ២០២៤ លោក ចាន់ តារា អភិបាល នៃគណៈអភិបាលក្រុងអរិយក្សត្រ និងសហការី បានអមដំណើរ ឯកឧត្តម គង់ សោភ័ណ្ឌ អភិបាល នៃគណៈអភិបាលខេត្តកណ្ដាល អញ្ជើញចូលរួមក្នុងពិធី ចម្រើនព្រះបរិត្ត និងពិធីចម្រើនអាយុវឌ្ឍនមង្គល៧០ព្រះវស្សា ឈានចូល៧១ព្រះវស្សា ប្រគេនសម្តេចព្រះឧត្តមមុនី ជា សំអាង ព្រះមេគណខេត្តកណ្តាល និងជាព្រះចៅអធិការវត្តសុវណ្ណវារី (ហៅវត្តព្រែកតាទែន) ស្ថិតក្នុងភូមិព្រែកក្ដី ឃុំព្រែកតាទែន ស្រុកពញាឮ ខេត្តកណ្ដាល។
ចេញផ្សាយ ថ្ងៃទី April 1, 2024
ព្រឹកថ្ងៃទី០១ ខែមេសា ឆ្នាំ២០២៤ កម្លាំងកងរាជអាវុធហត្ថរាជធានីភ្នំពេញ តាមបណ្តាខណ្ឌទាំង១៤ បានធ្វើការផ្លាស់ប្តូរគ្នា ហ្វឹកហាត់បំប៉នជាប្រចាំនូវមេរៀនប្រើប្រាស់កាំភ្លើង វែង ខ្លី កាន់តែស្ទាត់ជំនាញ យុទ្ធវិធីបាញ់ឈរ អង្គុយ ក្រាប យុទ្ធវិធីកាច់ឃ្លេ និងមេរៀនដទៃផ្សេងៗទៀត ដើម្បី បង្ការ បង្រ្កាប សង្រ្គោះ បានទាន់ពេលវេលា និងកាន់តែមានប្រសិទ្ធភាពខ្ពស់៕
ថ្ងៃចន្ទទី ១១ ខែមីនា ឆ្នាំ ២០២៤ វេលាម៉ោង ១១.២០ នាទីថ្ងៃត្រង់ មានករណីអគ្គីភ័យមួយបានឆាបឆេះផ្ទះប្រជាពលរដ្ឋអស់ចំនួន ២ ខ្នង និងមួយខ្នងទៀតរងការខូចខាតជញ្ជាំងមួយចំហៀង ស្ថិតនៅភូមិសែន ឃុំលាបូរ ស្រុកត្រាំកក់ ខេត្តតាកែវ។១. មានឈ្មោះ អឹុម អេន ភេទប្រុស អាយុ ៥២ ឆ្នាំ និងប្រពន្ធ ឈ្មោះឈឹង មំុ អាយុ ៥៤ ឆ្នាំ
សម្ភារៈខូចខាតរួមមាន៖
~ ស្រូវចំនួន ៥០បាវ
~ អង្ករមួយបាវ
(ភ្នំពេញ)៖ ក្រសួងការងារ និងបណ្តុះបណ្តាលវិជ្ជាជីវៈ នៅព្រឹកថ្ងៃទី០៧ ខែកុម្ភៈ ឆ្នាំ២០២៤នេះ បានរៀបចំធ្វើសន្និបាតបូកសរុបលទ្ធផលការងារឆ្នាំ២០២៣ និងទិសដៅការងារឆ្នាំ២០២៤ និងប្រកាសដាក់ឱ្យអនុវត្ត«ផែនការយុទ្ធសាស្រ្តអភិវឌ្ឍន៍វិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈ ២០២៤-២០២៨ នៅសណ្ឋាគាររ៉េស៊ីដង់ សុខាភ្នំពេញ ចាប់ពីថ្ងៃទី៧ ដល់ថ្ងៃទី៨ កុម្ភៈ ឆ្នាំ២០២៤ ។
លោកជំទាវ សុវណ្ណ វណ្ណារតន៍ រដ្ឋលេខាធិការប្រចាំការ ដែលជាតំណាងដ៏ខ្ពង់ខ្ពស់របស់ឯកឧត្តមហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានអញ្ជើញជាអធិបតីក្នុងពិធីបើក «សន្និបាតបូកសរុបលទ្ធផលការងារឆ្នាំ២០២៣ និងទិសដៅការងារឆ្នាំ២០២៤ និងប្រកាសដាក់ឱ្យអនុវត្ត«ផែនការយុទ្ធសាស្រ្តអភិវឌ្ឍន៍វិស័យការងារ សន្តិសុខសង្គម និងបណ្តុះបណ្តាលវិជ្ជាជីវៈ ២០២៤-២០២៨។
លោកជំទាវ សុវណ្ណ វណ្ណារតន៍ បានសម្តែងនូវការកោតសរសើរ និងវាយតម្លៃខ្ពស់ ចំពោះថ្នាក់ដឹកនាំ និងមន្រ្តីរាជការគ្រប់លំដាប់ថ្នាក់របស់ក្រសួងការងារ និងបណ្តុះបណ្តាលវិជ្ជាជីវៈ ដែលបានខិតខំយកចិត្តទុកដាក់ប្រកបដោយស្មារតីទទួលខុសត្រូវខ្ពស់ក្នុងការបំពេញតួនាទី និងភារកិច្ចរបស់ខ្លួនក្នុងនាមជាសេនាធិការឱ្យរាជរដ្ឋាភិបាលក្នុងការអភិវឌ្ឍវិស័យការងារ និងបណ្តុះបណ្តាលវិជ្ជាជីវៈ។ ជាពិសេស ការអនុវត្តប្រកបដោយជោគជ័យស្របតាមផែនការគួរជាទីមោទនៈនូវ «ផែនការយុទ្ធសាស្រ្ត អភិវឌ្ឍន៍វិស័យការងារ និងបណ្តុះបណ្តាលវិជ្ជាជីវៈ២០១៩-២០២៣» ក្នុងរយៈពេលកន្លងមក។
លទ្ធផលជាផ្លែផ្កាទាំងនេះ ក៏មិនអាចសម្រេចទៅបានដែរ ប្រសិនបើគ្មានការចូលរួមសហការយ៉ាងជិតស្និទ្ធពីក្រសួង ស្ថាប័នពាក់ព័ន្ធ អាជ្ញាធរគ្រប់លំដាប់ថ្នាក់ វិស័យឯកជន អង្គការវិជ្ជាជីវៈ ដៃគូអភិវឌ្ឍ អង្គការជាតិ និងអន្តរជាតិ និយោជក និងបងប្អូនកម្មករនិយោជិត ជាពិសេសដៃគូសង្គម ដែលមិនអាចខ្វះបានគឺ សហជីព និងសមាគមនិយោជក តាមរយៈកិច្ចសន្ទនាសង្គម និងយន្តការត្រីភាគី ក្នុងគោលដៅរួមចំណែកបង្កើនល្បឿនដល់ការអភិវឌ្ឍសង្គម-សេដ្ឋកិច្ចកម្ពុជាប្រកបដោយបរិយាប័ន្ននិងចីរភាព៕
ភ្នំពេញ:ថ្ងៃទី៤ ខែកុម្ភៈ ឆ្នាំ២០២៤ ខេត្តកំពង់ស្ពឺ ៖ នៅថ្ងៃសៅរ៍ ទី០៣ ខែកុម្ភៈ ឆ្នាំ២០២៤ នេះ សម្ព័ន្ធគ្រូពេទ្យសហភាពសហព័ន្ធយុវជនកម្ពុជា (ស.គ.ស.ស.យ.ក.) សរុប ចំនួន៣៦នាក់ បានចុះទៅពិនិត្យ និងព្យាបាលជំងឺដោយឥតគិតថ្លៃជូនកុមារកំព្រា និងបុគ្គលិក ក្នុងអង្គការបណ្តុះបណ្តាល និងថែរក្សាកុមារកំព្រា ស្ថិតនៅក្នុងភូមិ១ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ដោយមានកិច្ចសហការជាមួយអាជ្ញាធរខេត្តគ្រប់លំដាប់ថ្នាក់ ស.ស.យ.ក. និងដោយមានការឧបត្ថម្ភគាំទ្រពីក្រុមហ៊ុនទឹកបរិសុទ្ធអូរ៉ាល់ ក្រុមហ៊ុននំស្រួយលីលី។
ពិធីនេះស្ថិតក្រោមអធិបតីភាព ឯកឧត្តមវេជ្ជបណ្ឌិត វេង ហេង អនុប្រធានក្រុមប្រឹក្សាភិបាលសម្ព័ន្ធគ្រូពេទ្យសហភាពសហព័ន្ធយុវជនកម្ពុជា តំណាង ឯកឧត្តមបណ្ឌិត ហេង សុខគង់ រដ្ឋលេខាធិការក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ សមាជិកអចិន្ត្រៃយ៍គណៈកម្មការកណ្តាល ស.ស.យ.ក. និងជាប្រធានសម្ព័ន្ធគ្រូពេទ្យ ស.ស.យ.ក ព្រមទាំងភ្ញៀវកិត្តិយសជាច្រើនរូបទៀត ក៏បានចូលរួមក្នុងឱកាសនេះផងដែរ។
ការពិនិត្យ និងព្យាបាលជំងឺក្នុងរយៈពេល០១ ថ្ងៃនេះសរុបបានចំនួន១៧២នាក់ ដោយពិនិត្យ និងព្យាបាលផ្នែកជំងឺទូទៅ ផ្នែកជំងឺកុមារ ផ្នែកជំងឺមាត់ ធ្មេញ ផ្នែកពិនិត្យអេកូសាស្រ្ត ផ្នែករោគស្រ្តី ផ្នែកសង្គ្រោះបឋម និងអប់រំសុខភាពសាធារណៈ ផ្នែកត្រចៀក ច្រមុះ បំពង់ក ។ ក្រៅពីការពិនិត្យ និងព្យាបាលជំងឺ សម្ព័ន្ធគ្រូពេទ្យស.ស.យ.ក បាននាំយកអំណោយដ៏ថ្លៃថ្លារបស់ឯកឧត្តម ហ៊ុន ម៉ានី ប្រធានស.ស.យ.ក និងជាប្រធានក្រុមការងាររាជរដ្ឋាភិបាលចុះជួយខេត្តកំពង់ស្ពឺ រួមជាមួយសប្បុរសជនជូនដល់កុមារកំព្រា និងបុគ្គលិកមជ្ឈមណ្ឌល រួមមានសៀវភៅ ៣០០ក្បាល ប៊ិច ៣០០ដើម នំស្រួយ១០បេធំ និងសម្ភារៈឧបភោគ បរិភោគមួយចំនួនទៀត ។
ដោយ៖ ធូ កុសល
ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន នារសៀលថ្ងៃទី៣ ខែកុម្ភៈ ឆ្នាំ២០២៤ បានបញ្ជាក់ពីការគាំទ្រដល់ការសិក្សាបង្កើតរោងចក្រចំណីសត្វ ដែលផ្តួចផ្តើមក្នុងការគ្រប់គ្រង និងកាត់បន្ថយឧស្ម័នផ្ទះកញ្ចក់ទៅក្នុងបរិយាកាស។ ក្នុងឱកាសទទួលជួប លោក Andrew Mason, នាយកប្រតិបត្តិ ក្រុមហ៊ុន AgCo Tech Australia Pty Ltd របស់ប្រទេសអូស្រ្តាលី នាទីស្តីការក្រសួងបរិស្ថាន ឯកឧត្តមរដ្ឋមន្ត្រី បានលើកទឹកចិត្តដល់ក្រុមហ៊ុន AgCo Tech យកចិត្តទុកដាក់លើ ការសិក្សាលទ្ធភាពអនុត្តគម្រោង វិនិយោគលើការផលិតចំណីសម្រាប់ សត្វពាហនៈ ដើម្បីជួយបង្កើនផលិតផលក្នុងស្រុក និងរួមចំណែកដល់ការបង្កើនជីវភាពរបស់ប្រជាពលរដ្ឋ នៅតាមសហគមន៍មូលដ្ឋាន ក៏ដូចជាចូលរួមកាត់បន្ថយឧស្ម័នមេតាន ដែលជាឧស្ម័នផ្ទះកញ្ចក់ ដែលបង្កឱ្យមានការប៉ះពាល់ដល់ការប្រែប្រួលអាកាសធាតុ។
សូមបញ្ជាក់ថា ឧស្ម័នមេតាន ដែលបានកាត់បន្ថយ គឺជាឥណទានកាបូនដ៏សំខាន់ ស្របតាមការអនុវត្ត វិធានប្រតិបត្តិ មាត្រា៦ នៃកិច្ចព្រមព្រៀងទីក្រុងប៉ារីស ស្តីពីការប្រែប្រួលអាកាសធាតុ ដែលបានជំរុញនិងលើកទឹកចិត្តដល់កម្ពុជា ក្នុងការធ្វើអាជីវកម្មកាបូនប្រកបដោយតម្លាភាព គណនេយ្យភាព និងស្របតាមស្តង់ដាអន្តរជាតិ៕
