ព្រឹត្តិការណ៍ប្រណាំងកង់ភ្នំ WURKZ Mountain Bike Series ជុំទី២ ចាប់ផ្តើមការប្រកួតនៅព្រឹកថ្ងៃទី១៩ ខែធ្នូ ឆ្នាំ២០២១ នៅឯទីលានប្រណាំងកង់ព្រែកលៀប សិ្ថតក្នុងខណ្ឌជ្រោយចង្វារ រាជធានីភ្នំពេញ ដោយមានអ្នកជិះកង់អាជីព និងអ្នកមានបទពិសោធន៍តិចតួចចូលរួមចុះឈ្មោះប្រកួតប្រមាណជាង ៥៣០ នាក់ មកពីទីក្រុងភ្នំពេញ និងតាមបណ្តាខេត្តនានា នេះបើតាមការឲ្យដឹងពីលោក Pierre Yves Catry ប្រធានបច្ចេកទេសរៀបចំការប្រកួត និងស្ថាបនិកព្រឹត្តិការណ៍ប្រណាំងកង់ភ្នំ។
លោក Pierre Yves Catry មានប្រសាសន៍ថា៖ «ការប្រកួតជុំទី២ ទទួលបានអ្នកចុះឈ្មោះចូលរួមច្រើនជាងជុំទី១ ដែលបង្ហាញការគាំទ្រកាន់តែខ្លាំងលើព្រឹត្តិការណ៍ប្រណាំងកង់ភ្នំនេះ។ ហើយអ្វីដែលគួរឲ្យកត់សម្គាល់គឺអ្នកចូលរួមភាគច្រើនមានវ័យក្រោម ៤០ ឆ្នាំ ព្រោះផ្លូវប្រណាំងលើកនេះមានលក្ខណៈពិបាកជាងមុន»។
លោកបានឲ្យដឹងទៀតថា ការប្រកួតជុំទី២នេះ បែងចែកជា ១៤ វិញ្ញាសាផ្សេងគ្នា ដែលអ្នកជិះកង់ជំនាញ និងអ្នកដែលមានបទពិសោធន៍តិចតួចអាចប្រណាំងជាមួយគូប្រជែងក្នុងកម្រិតដូចគ្នា។
ទន្ទឹមនឹងនេះ អ្នកស្រី គង់ កុសល នាយិកាផ្នែកទីផ្សារក្រុមហ៊ុន ខ្មែរ ប៊ែវើរីជីសដែលជាម្ចាស់ឩបត្ថម្ភផ្តាច់មុខព្រឹត្តិការណ៍នេះ បានសម្តែងការរំភើបពេលឃើញមានអ្នកចូលរួមកាន់តែច្រើនកុះករឡើងបែបនេះ។
អ្នកស្រី គង់ កុសល មានប្រសាសន៍ថា៖ «កម្មវិធីនេះពិតជាល្អ និងសំខាន់សម្រាប់កីឡាករអាជីព ក៏ដូចជាអ្នកចូលចិត្តជិះកង់ទូទៅ ព្រោះវាមិនត្រឹមតែជាការប្រណាំងដើម្បីឈ្នះពាន់រង្វាន់ប៉ុណ្ណោះទេ តែវាក៏ជាការជំរុញ និងបណ្តុះស្មារតីតស៊ូ និងតាំងចិត្តដល់កីឡាករ ដើម្បីធ្វើយ៉ាងណាខិតខំឆ្ពោះទៅមុខជានិច្ច រហូតទៅដល់ទីលានផ្ដាច់ព្រ័ត្រ»។
គួរបញ្ជាក់ថា ក្រោមការឩបត្ថម្ភផ្តាច់មុខពីភេសជ្ជៈប៉ូវកម្លាំង វើក កម្មវិធីនេះធ្វើឡើង ដើម្បីផ្តល់ការកម្សាន្តបែបសុខភាពជូនដល់អ្នកចូលចិត្តជិះកង់គ្រប់រូប និងអ្នកទស្សនា ក៏ដូចជាជំរុញវិស័យកីឡាជិះកង់នៅកម្ពុជា តាមរយៈការបង្កើតឱកាសឲ្យកីឡាករអាចហ្វឹកហាត់ពង្រឹងសមត្ថភាពរបស់ខ្លួនត្រៀមប្រកួតក្នុងឆាកអន្តរជាតិ។
សម្រាប់ឆ្នាំ២០២១ ការប្រកួតធ្វើឡើងចំនួន៣ ជុំផ្សេងគ្នា។ ជុំទី ១ ធ្វើឡើងនៅឯភ្នំជាលខេត្តកំពង់ស្ពឺ ជុំទី២ នៅព្រែកលៀបរាជធានីភ្នំពេញ ចំណែកឯជុំទី៣នឹងធ្វើឡើងនៅចុងខែមករា ឆ្នាំ២០២២ នៅគិរីរម្យខេត្តកំពង់ស្ពឺ។
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBOHdIQXc9PSIsImV4cCI6bnVsbCwicHVyIjoiYmxvYl9pZCJ9fQ==--4aa1099406bdf4bbab3b8cdafcab9b1de19cb0a0/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/A764DC6A-C75B-4959-A239-F434E01.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBODBIQXc9PSIsImV4cCI6bnVsbCwicHVyIjoiYmxvYl9pZCJ9fQ==--07b8adca3fded67f2e4454b1d324d8d639cfd270/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/3F7923CF-13B3-40E4-BD09-BA3A39C.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBODRIQXc9PSIsImV4cCI6bnVsbCwicHVyIjoiYmxvYl9pZCJ9fQ==--4f2c8cdea55b10eb9940d4e8117c3d431703e818/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/6EDF8570-1D52-49AE-A1E9-47F5B63.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBODhIQXc9PSIsImV4cCI6bnVsbCwicHVyIjoiYmxvYl9pZCJ9fQ==--59f7e95a1ea657dc6cc3b4f00a0be94f2aa63944/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/DB72448E-F6EA-4AE9-A8EC-7DF9E24.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBOUFIQXc9PSIsImV4cCI6bnVsbCwicHVyIjoiYmxvYl9pZCJ9fQ==--ce21e7c32d2a2585ca4307437dbdf21d23d547ca/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/F66FF8EE-F45E-411A-9B17-2745101.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBOUVIQXc9PSIsImV4cCI6bnVsbCwicHVyIjoiYmxvYl9pZCJ9fQ==--9707194aed5ffac7e33a5432e2884dce0e3b9768/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/D35C9564-C062-4D16-AE10-DAADE3A.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBOUlIQXc9PSIsImV4cCI6bnVsbCwicHVyIjoiYmxvYl9pZCJ9fQ==--47a2ea4442f72e441e7cffc9b72571d33eb50f9d/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/09FCB40A-59E5-458C-A6C5-4DF7CA3.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBOU1IQXc9PSIsImV4cCI6bnVsbCwicHVyIjoiYmxvYl9pZCJ9fQ==--35d7bbd4335c78195cf8fdc1d31ad2804bf7cca1/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/AE3BC5DB-C973-4587-84DE-E5D0BC9.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBOVFIQXc9PSIsImV4cCI6bnVsbCwicHVyIjoiYmxvYl9pZCJ9fQ==--226f84d28ac388655825e29775d51c687374dfc6/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/36152407-3101-4D3A-A262-378FE3F.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBOVVIQXc9PSIsImV4cCI6bnVsbCwicHVyIjoiYmxvYl9pZCJ9fQ==--109d36a72fdd0b9eb5067b8cd9d6420a5ff043ab/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/1B89CFEF-CDFF-4B9E-9370-8DD920A.jpeg)
0 Reviews:
Post a Comment