ខេត្តព្រៃវែង ថ្ងៃទី២០ ខែធ្នូ ឆ្នាំ២០២១
មន្ទីរអភិវឌ្ឍន៍ជនបទ ខេត្តព្រៃវែង បានរៀបចំសិក្ខាសាលាស្តីពី ការផ្សព្វផ្សាយទស្សនៈយេនឌ័រ ក្នុងវិស័យអភិវឌ្ឍន៍ជនបទក្រោមអធិបតីភាព លោកជំទាវ ម៉ាត់ ម៉ារ៉ា រដ្ឋលេខាធិការ និងតំណាងដ៍ខ្ពងខ្ពស់ ឯកឧត្តម អ៊ុក រ៉ាប៊ុន រដ្ឋមន្រ្តីក្រសួងអភិវឌ្ឍន៍ជនបទ និងជាប្រធានក្រុមការងារយេនឌ័រ នៃក្រសួងអភិវឌ្ឍន៍ជនបទ នៅថ្ងៃទី២០ ខែធ្នូ ឆ្នាំ២០២១នេះ។
នៅក្នុងឱកាស់នោះលោក ហែម សាវុធ អនុប្រធានមន្ទីរអភិវឌ្ឍន៍ជនបទខេត្ត បានលើកឡើងថា ដោយការខិតខំប្រឹងប្រែងរបស់បងប្អូននារី រួមទាំងការលើកកម្ពស់យេនឌ័រក្នុងការអភិវឌ្ឍន៍ប្រទេសជាតិ របស់រាជរដ្ឋាភិបាល បានជួយឲ្យស្ត្រីទទួលបានការលើកទឹកចិត្ដទាំងចំណេះដឹង តួនាទី និងបានចូលរួមក្នុងគ្រប់ស្ថាប័នពី ថ្នាក់ជាតិ រហូតដល់ថ្នាក់ក្រោមជាតិ។ មន្ត្រីរាជការស៊ីវិលនៅក្នុងខេត្តព្រៃវែងមានចំនួនសរុប១០៨៩៣នាក់ក្នុងនោះស្តី មាន៤៣៥៥នាក់ ក្នុងនោះស្ត្រីដែលទទួលបានការទុកចិត្តពីរដ្ឋាភិបាល និងថ្នាក់ដឹកនាំខេត្ត បានផ្តល់នូវតួនាទី ភារកិច្ច ក្នុងខេត្តព្រៃវែងរួមមានៈ ស្ត្រីជាអភិបាលរងខេត្ត០១នាក់ ជាក្រុមប្រឹក្សាខេត្តចំនួន៥នាក់ ជាស្នងការរងខេត្ត០១នាក់ ជាប្រធានមន្ទីរ០១នាក់ ជាអនុប្រធានមន្ទីរ១៧នាក់ ជាអនុប្រធានពន្ធនាគាខេត្ត០១នាក់ ជានាយកសាខាកាកបាទក្រហមកម្ពុជាខេត្តព្រៃវែង០១នាក់ ជាអភិបាលស្រុក០១នាក់ ជាអភិបាលរងស្រុក-ក្រុងចំនួន១៣នាក់ ចៅក្រម សាលាដំបូងខេត្ត០១នាក់ ជាព្រះរាជអាជ្ញារងអយ្យកាអមសាលាដំបូងខេត្ត០១នាក់ ជាប្រធាន និងអនុប្រធាន លេខាធិការដ្ឋានសាលាដំបូងខេត្ត០២នាក់សរុបចំនួន៤៥នាក់។ ដោយឡែកមន្ទីរអភិវឌ្ឍន៍ជនបទខេត្តព្រៃវែងមានមន្ត្រីរាជការសរុបចំនួន៥១នាក់ មានស្ត្រី១៦នាក់ ស្មើនឹង៣១% ក្នុងនោះស្ត្រីជាប្រធានការិយាល័យចំនួន២នាក់ អនុ ការិយាល័យ០៦នាក់ មន្ត្រីការិយាល័យ០៦នាក់ និងបុគ្គលិកស្មគ្រ័ចិត្ត០២នាក់ ។
ថ្លែងនៅក្នុងឱកាសដ៏សែនមនោរម្យនោះ លោកជំទាវ ម៉ាត់ ម៉ារ៉ា រដ្ឋលេខាធិការក្រសួងអភិវឌ្ឍន៍ជនបទ បានមានប្រសាសន៍លើកឡើងថា៖ ស្ត្រីគឺជាឆ្អឹងខ្នងដ៏សំខាន់ណាស់សម្រាប់ប្រទេសជាតិមួយក្នុងការចូលរួមចំណែកយ៉ាងសំខាន់ក្នុងការអភិវឌ្ឍប្រទេសជាតិឲ្យមានការរីកចម្រើនទៅមុខជាលំដាប់។
លោកជំទាវបានបន្តទៀតថា សិក្ខាសាលានេះមានគោលបំណង ដើម្បីការផ្សព្វផ្សាយទស្សនៈយេនឌ័រ និងផែនការយុទ្ធសាស្ត្របញ្ជ្រាបយេនឌ័រ របស់ ក្រសួងអភិវឌ្ឍន៍ជនបទ ឆ្នាំ២០១៩-២០២៣ ដល់មន្ត្រីរាជការនៃមន្ទីរអភិវឌ្ឍន៍ជនបទ។ ហើយតួនាទីរបស់ស្រ្តី ក្នុងវិស័យអភិវឌ្ឍន៍សេដ្ឋកិច្ចជាតិ ត្រូវបានលើកកម្ពស់ និងឆ្លើយតបទៅនឹងក្នុងគោល នយោបាយ និងកម្មវិធីនានារបស់រាជរដ្ឋាភិបាល។ ការលុបបំបាត់អំពើហឹង្សាលើស្ត្រីជាកម្មវិធីអាទិភាពមួយ ដែលគ្រប់ស្ថាប័នរដ្ឋ វិស័យឯកជន និងសង្គមស៊ីវិល ត្រូវតែចូលរួមទាំងអស់គ្នា អនុវត្តយ៉ាងម៉ឺងម៉ាត់ ដើម្បីទប់ស្កាត់ លុបបំបាត់ និងផ្តល់សេវាជួយស្ត្រីដែលជាជនងាយរង គ្រោះឲ្យបានទាន់ពេលវេលា និងប្រកបដោយប្រសិទ្ធភាព៕
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBK29IQXc9PSIsImV4cCI6bnVsbCwicHVyIjoiYmxvYl9pZCJ9fQ==--3c2cee063803f3e9a9e6b251ca7f3b44dbabcd99/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/87D8E11C-BB7E-4749-BA09-F8BADB4.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBK3dIQXc9PSIsImV4cCI6bnVsbCwicHVyIjoiYmxvYl9pZCJ9fQ==--92cf75243a1a0baf60f6b43ddc238167ad668ccd/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/7E055CA8-C908-40E0-927E-C6CB5C4.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBK2NIQXc9PSIsImV4cCI6bnVsbCwicHVyIjoiYmxvYl9pZCJ9fQ==--c27df097700bd00d9637d04cf6aea899a8898f66/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/5627EB08-C21D-451A-B161-15A4A59.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBK1lIQXc9PSIsImV4cCI6bnVsbCwicHVyIjoiYmxvYl9pZCJ9fQ==--bf94fe11c73300b877196a1575bcfa5f683fed08/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/410DD126-8E62-4520-A8E5-A88D1A0.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBK1FIQXc9PSIsImV4cCI6bnVsbCwicHVyIjoiYmxvYl9pZCJ9fQ==--08026382661ff8969cf9488ffa143b9e82543ff6/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/78388538-00F8-451F-A463-93A17E7.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBK2tIQXc9PSIsImV4cCI6bnVsbCwicHVyIjoiYmxvYl9pZCJ9fQ==--c385e7bf25ce337e58bc35d02eefeec09db7fbbe/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/9C098988-2C94-4CAD-B7B6-8374258.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBK2dIQXc9PSIsImV4cCI6bnVsbCwicHVyIjoiYmxvYl9pZCJ9fQ==--f84cc1bdcff260558d8f9c8268b90e4aec2396c8/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/88CFE8DB-11C5-48A7-8F61-51F2033.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBK3NIQXc9PSIsImV4cCI6bnVsbCwicHVyIjoiYmxvYl9pZCJ9fQ==--3333f722355c9c6f60924974adeaac452c332c6b/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/BB10E712-C796-46B0-9F6B-D74FB86.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBKzBIQXc9PSIsImV4cCI6bnVsbCwicHVyIjoiYmxvYl9pZCJ9fQ==--df32f7d97d8f387c8975ff096c85d85e5af29a95/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/0A06A977-70B2-472D-B0C8-739C5E5.jpeg)
ដោយ៖ មន្ទីរព័ត៌មានខេត្តព្រៃវែង
0 Reviews:
Post a Comment