ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ កាលពីរសៀលថ្ងៃទី ២៥ ខែមេសា ឆ្នាំ២០២៣ បានទទួលជួបសំដែងការគួរសមនិងពិភាក្សាការងារ ជាមួយសមាគមជប៉ុន-កម្ពុជា (Japan-Cambodia Association) ដែលដឹកនាំដោយ ឯកឧត្តម Takahashi Fumiaki ប្រធានសមាគមជប៉ុន-កម្ពុជា ព្រមទាំងគណៈប្រតិភូអមដំណើរមួយចំនួនទៀត ។
ក្នុងឱកាសនោះ ឯកឧត្តម Takahashi Fumiaki ប្រធានសមាគមជប៉ុន-កម្ពុជា បានស្នើសុំដល់ក្រសួងសេដ្ឋកិច្ច សិក្សាលើការលើកលែងពន្ធមួយរយៈពេលខ្លីចំពោះសហគ្រាសខ្នាតតូចនិងមធ្យមរបស់វិនិយោគិនជប៉ុន ដែលមានគោលបំណងមកបណ្តាក់ទុនវិនិយោគបន្ថែមនៅក្នុងប្រទេសកម្ពុជា ដើម្បីផ្តល់ឱកាសបន្ថែមដល់អ្នកវិនិយោគ ។
ជាការឆ្លើយតប ឯកឧត្តមអគ្គបណ្ឌិតសភាចារ្យ បានមានប្រសាសន៍ថា ចំពោះការសិក្សាលើការលើកលែងពន្ធមួយរយៈពេលខ្លីចំពោះសហគ្រាសខ្នាតតូចនិងមធ្យមនេះ កាលពីអំឡុងពេលរីករាលដាលនៃជំងឺកូវីដ១៩ ក្រសួងធ្លាប់បានសិក្សាម្តងរួចមកហើយ លើការលើកលែងពន្ធចំពោះសហគ្រាសធុនតូចនិងមធ្យមមួយចំនួន ។ ក្នុងពេលបច្ចុប្បន្ននេះ ជំងឺកូវីដ១៩បានធូរស្រាលទៅហើយ ដូច្នេះក្រសួងនឹងធ្វើការសិក្សាលើស្ថានភាពជាក់ស្តែង ប្រសិនបើសមាគមជប៉ុន-កម្ពុជា ពិតជាមានអ្នកមកបណ្តាក់ទុនវិនិយោគបន្ថែមទៀតច្រើន ៕
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNnV3QkE9PSIsImV4cCI6bnVsbCwicHVyIjoiYmxvYl9pZCJ9fQ==--192f5e7754472d37bb2842524375c7e95fbd5e3b/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/BEF76D1B-A90C-48D1-9063-055EE8B.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNjJ3QkE9PSIsImV4cCI6bnVsbCwicHVyIjoiYmxvYl9pZCJ9fQ==--6c149c41504b022b138d28ba34a43269c99687b6/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/D58BBCD2-8CDF-4F65-AC50-F780BBA.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNnl3QkE9PSIsImV4cCI6bnVsbCwicHVyIjoiYmxvYl9pZCJ9fQ==--32b9a22f6a26dd18a2f470d5067dd527f0a2378d/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/BB336BA6-BF1E-4672-BC1E-ECD3705.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNjZ3QkE9PSIsImV4cCI6bnVsbCwicHVyIjoiYmxvYl9pZCJ9fQ==--f344d06ee32d6a92489ca53aac7b2077dbc7a43c/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/4F9A6142-04C4-41C2-82DA-7CB6768.jpeg)
0 Reviews:
Post a Comment