ឯកឧត្តម បានជំរុញអោយរដ្ឋបាលឃុំត្រូវបង្កើនការយកចិត្តទុក្ខដាក់ផ្តល់សេវានិងសុខទុក្ខជូនប្រជាពលរដ្ឋក្នុងមូលដ្ឋានរបស់ខ្លួនអោយបានល្អ ដូចជាការផ្តល់សេវាប្រកបដោយតម្លាភាព និងឆាប់រហ័ស ជឿជាក់ ក្នុងការដោះស្រាយបញ្ហាផ្សេងៗជូនប្រជា ពលរដ្ឋ ពិសេសពលរដ្ឋដែលងាយរងគ្រោះអោយទាន់ពេលវេលា ។
លើសពីនេះឯកឧត្តម ក៏បានឲ្យអាជ្ញាធរមានសមត្ថកិច្ចកងកម្លាំងទាំងបីត្រូវក្តាប់ព័ត៌មានសន្តិសុខសុវត្ថិភាពតាមមូលដ្ឋានអោយបាន ដើម្បីឆ្លើយតបឬបង្ក្រាបបទល្មើសនិងជួយជនរង គ្រោះបានទាន់ពេលវេលា ។ ជាមួយគ្នានោះដែរ ទាក់ទងនិងបទល្មើសព្រៃឈើ ត្រូវត្រួតពិនិត្យទៅលើឈ្មួញដែលទិញឈើ តើមានច្បាប់ អនុញ្ញាតឬអត់ ហើយសមត្ថកិច្ចជំនាញ និងសមត្ថកិច្ចពាក់ព័ន្ធដែលនៅឈរជើងតំបន់នោះហាក់បីដូចជាមិនចាប់អារម្មណ៍ ហើយមានសភាពធូរលុងបណ្តែតបណ្តោយឲ្យសកម្មភាពដឹកជញ្ជូនឈើតាមរថយន្តរឺគោយន្តកន្ត្រៃយ៍ចេញពីក្នុងព្រៃយ៉ាងអាណាធិបតេយ្យ ដោយពុំមានការទប់ស្កាត់អ្វីឡើយ ។
ឆ្លៀតក្នុងឱកាសនោះដែរ ឯកឧត្តម បានជរុញអោយអាជ្ញាធរមូលដ្ឋាន ត្រូវត្រួតពិនិត្យទៅលើការចាក់វ៉ាក់សាំងរបស់ប្រជាពរដ្ឋតើបានចាក់ប៉ុន្មានលើកហើយ ។
ចុងក្រោយឯកឧត្តម បានអំពាវនាវដល់មន្ត្រី កងកម្លាំង ព្រមទាំងប្រជាពរដ្ឋសូមចូលរួមបរិច្ចាកជាថវិកា សម្ភារៈ ជាមួយកាកបាទក្រហមកម្ពុជា ដើម្បីយកថវិកា និងសម្ភារៈទាំងអស់នោះយកទៅជួយដល់ប្រជាពលរដ្ឋងាយរងគ្រោះបានទាន់ពេលវេលា ៕ ដោយ៖មន្ទីរព័ត៌មានខេត្តកំពង់ធំ សម្រួលផ្សាយដោយ៖ dara
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBK2g0QXc9PSIsImV4cCI6bnVsbCwicHVyIjoiYmxvYl9pZCJ9fQ==--5ec94bdeceb3e797a8abfa3e6e35e4450417478a/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-05-05_10-09-20.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBK2Q0QXc9PSIsImV4cCI6bnVsbCwicHVyIjoiYmxvYl9pZCJ9fQ==--dccbda30799a72b0ea68a42252e70c64cff76c68/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-05-05_10-09-35.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBK2w0QXc9PSIsImV4cCI6bnVsbCwicHVyIjoiYmxvYl9pZCJ9fQ==--ca836a728930c3bfe8e863476c2f3abfd98c03e9/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-05-05_10-09-41.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBK3A0QXc9PSIsImV4cCI6bnVsbCwicHVyIjoiYmxvYl9pZCJ9fQ==--822c51dfb41f563d54e2b801e07670d21d3182c2/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-05-05_10-09-25.jpg)
0 Reviews:
Post a Comment