លោក ឈុន សុខកុម្ភ: អនុប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តកំពង់ឆ្នាំង បានមានប្រសាសន៍ថា ម្ចាស់ក្បាលដីមួយចំនួនដែលនៅជាប់ផ្លូវ ឬត្រូវបើកផ្លូវឱ្យចូលរួមសហការជាមួយមន្ត្រីជំនាញសុរិយោដី ដោយធ្វើសប្បទាន ឬបរិច្ចាគដីផ្នែកខ្លះ សម្រាប់ទុកធ្វើផ្លូវ លូ បណ្ដាញផ្លូវរំដោះទឹក ដើម្បីបម្រើជាប្រយោជន៍រួមរបស់សាធារណៈ ហើយជាលទ្ធផលក្នុងថ្ងៃនេះ ប្រជាពលរដ្ឋជាម្ចាស់ដី និងអ្នកកាន់កាប់ដី ទទួលបាននូវសារៈប្រយោជន៍ ក្នុងការគ្រប់គ្រងដីធ្លីទាំងដីរដ្ឋ និងដីឯកជន។
លោកបានបន្តថា ការលើកស្ទួយកម្រិតជីវភាពរស់នៅរបស់ប្រជាពលរដ្ឋ និងការកាត់បន្ថយទំនាស់ ព្រមទាំងធានាសុវត្ថិភាពក្នុងការកាន់កាប់ដីធ្លីរបស់ប្រជាពលរដ្ឋ ហើយអាចប្រើប្រាស់ប័ណ្ណកម្មសិទ្ធិដី ដើម្បីផលប្រយោជន៍ផ្សេងៗ ក្នុងការប្រកបមុខរបរ ឬអាជីវកម្មរបស់ខ្លួនទទួលបាននូវសិទ្ធិស្របច្បាប់ ក្លាយជាម្ចាស់ដីពិតប្រាកដ ដែលត្រូវបានការពារដោយច្បាប់ និងធានាដោយរដ្ឋ ដែលអាចធ្វើការបង្កបង្កើនផល ឬប្រកបមុខរបរផ្សេងៗទៀតលើដីធ្លីរបស់ខ្លួន ដោយគ្មានការព្រួយបារម្ភ។ បន្ទាប់ពីបញ្ចប់ការបិតផ្សាយគឺចាប់ពីថ្ងៃទី០២ ដល់ថ្ងៃទី១៦ ខែមីនា ឆ្នាំ២០២២ រយ:ពេល១៥ថ្ងៃនេះទៅ យើងនឹងទទួលបាននូវទិន្នន័យមួយមានភាពសុក្រឹត្យ ត្រឹមត្រូវសម្រាប់ការចេញវិញ្ញាបនបត្រសម្គាល់ម្ចាស់អចលនវត្ថុ (ប័ណ្ណកម្មសិទ្ធិ)ជូនបងប្អូនប្រជាពលរដ្ឋ ដែលជាអ្នកកាន់កាប់ដីក្នុងភូមិ នៅសង្កាត់ខ្សាម ក្រុងកំពង់ឆ្នាំង ខេត្តកំពង់ឆ្នាំង ។
លោកអនុប្រធានមន្ទីរ ក៏បានអំពាវនាវបន្ថែមដល់ប្រជាពលរដ្ឋទាំងអស់ ត្រូវអនុវត្តន៍ឱ្យបានខ្ជាប់ខ្លួននូវវិធានការរបស់ប្រមុខរាជរដ្ឋាភិបាល ៣កុំ និង៣ការពារ ក្នុងការចូលរួមទប់ស្កាត់ ការរីករាលដាលនៃជំងឺកូវីដ-១៩ ពិសេសមេរោគបំប្លែងថ្មី (អូមីក្រុង) និងចូលរួមចាក់វ៉ាក់សាំងឱ្យបានគ្រប់ៗគ្នា ។
យោងតាមរបាយការណ៍បញ្ជាក់របស់លោក គុយ វន្នី ប្រធានក្រុមគ្រប់គ្រងតំបន់វិនិច្ឆ័យនៅសង្កាត់ខ្សាម ក្រុងកំពង់ឆ្នាំង បានឱ្យដឹងថា ក្នុងការបិតផ្សាយក្នុងសង្កាត់ខ្សាម មាន៣ភូមិ គឺភូមិទី១ ភូមិទី២ និងភូមិទី៨ ដោយការកំណត់ព្រំនិងវិនិច្ឆ័យភូមិទី១ សរុប ៤៤ក្បាលដី និងការប្រមូលទិន្នន័យសរុប ៤៤ក្បាលដី ក្នុងនោះមានដីលំនៅឋានចំនួន៣៦ក្បាលដី ដីសាលារៀនចំនួន០១ក្បាលដី ដីចំណតរថយន្ត ០១ក្បាលដី ដីអគាររដ្ឋបាល០៥ក្បាលដី ដីរង្វង់មូល០១ក្បាលដី ។ ភូមិទី២ ការប្រមូលទិន្នន័យសរុបបានចំនួន១៨៩ក្បាលដី ក្នុងនោះដី កសិកម្មមានចំនួន០២ក្បាលដី ដីលំនៅឋានចំនួន១៨៥ក្បាលដី ដីវត្ត០១ក្បាលដី និងដីស្រះ០១ក្បាលដី ។ ភូមិទី៨ ការប្រមូលទិន្នន័យសរុបបានចំនួន៣៤៧ក្បាលដី ក្នុងនោះដីកសិកម្មចំនួន៤៣ក្បាលដី ដីលំនៅឋានចំនួន៣០៣ក្បាលដី ដីសាលាឆទានចំនួន០១ក្បាលដី និងដីសាលារៀនចំនួន០១ក្បាលដី ៕ដោយ បៃ ស៊ីថុន សម្រួលផ្សាយដោយ៖ dara
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMTlCQXc9PSIsImV4cCI6bnVsbCwicHVyIjoiYmxvYl9pZCJ9fQ==--9f5d775c6fc2fef92e08b04a97f5268b05211259/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-03-03_10-15-32.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMkpCQXc9PSIsImV4cCI6bnVsbCwicHVyIjoiYmxvYl9pZCJ9fQ==--1b79ab552ecd97d907e73f1d8a785c08d4e82f8e/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-03-03_10-15-35.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMkJCQXc9PSIsImV4cCI6bnVsbCwicHVyIjoiYmxvYl9pZCJ9fQ==--14cbb7eb3a33cadda9a4f8f69c3eec7ed0d0f2f1/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-03-03_10-15-42.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMkZCQXc9PSIsImV4cCI6bnVsbCwicHVyIjoiYmxvYl9pZCJ9fQ==--d304249054a727e262ec0ba2bc0b3940bfcf5bcd/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-03-03_10-15-39.jpg)
0 Reviews:
Post a Comment