ភ្នំពេញ :ថ្ងៃទី២០ ខែមករា ឆ្នាំ២០២២ អាជ្ញាធរខណ្ឌកំបូល ដឹកនាំដោយលោក សេង គន្ធ អភិបាលរង តំណាងឱ្យអភិបាលខណ្ឌលោក ឃឹម ស៊ុនសូដា នៅរសៀលថ្ងៃ២រោច ខែបុស្ស ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃពុធ ទី១៩ ខែមករា ឆ្នាំ២០២២ រួមជាមួយមន្ត្រីពាក់ព័ន្ធនៃសាលាខណ្ឌ មន្ត្រីបរិស្ថាននៃសង្កាត់ទាំង៧ មេភូមិ ប្រជាការពារភូមិ និងសហការជាមួយក្រុមហ៊ុនប្រមូលសំរាម មីស៊្យូដា បានចុះប្រមូលសំរាមរាយប៉ាយ តាមបណ្ដោយផ្លូវជាតិលេខ៤ កាប់ត្រាយព្រៃតាមចិញ្ចើមផ្លូវ កៀរកំណកដីចេញពីលើផ្លូវ ក្នុងគោលបំណងបរិស្ថានស្អាត លើកកម្ពស់សោភណភាពទីក្រុង ។
ជាមួយគ្នានោះដែរលោក សេង គន្ធ អភិបាលរងខណ្ឌកំបូល ក៏បានធ្វើការផ្សព្វផ្សាយជាប្រចាំដល់សាធារណជន ឱ្យរៀបចំវេចខ្ចប់បញ្ចេញសំរាម ស្របតាមលិខិតបទដ្ឋាននានា និងតាមគោលការណ៍ណែនាំដែលបានដាក់ចេញ នាពេលកន្លងមកដោយសាលារាជធានីភ្នំពេញផងដែរ។
សកម្មភាពទាំងនេះក្នុងគោលបំណង រួមគ្នាសម្អាត និងថែទាំទីក្រុងឱ្យបានស្អាតស័ក្ដិសមជាទីក្រុងស្អាត សេវាល្អ ដើម្បីលើកកម្ពស់សោភណភាពទាក់ទាញភ្ញៀវទេសចរ ឱ្យចូលមកទស្សនារាជធានីភ្នំពេញ កាន់តែច្រើនឡើងថែមទៀត ។
លោក សេង គន្ធ ក៏បានអំពាវនាវដល់សាធារណជន សូមវេចខ្ចប់ទុកដាក់សំរាមឱ្យបានត្រឹមត្រូវតាមការណែនាំ ។ ក្នុងករណីដែលមិនព្រមអនុវត្តតាមការកំណត់ រដ្ឋបាលខណ្ឌនឹងអនុវត្តន៍នូវវិធានការរដ្ឋបាល និងលិខិតបទដ្ឋានដែលនៅជាធរមាន ៕ដោយសួស សំរិត សម្រួលផ្សាយដោយ៖ dara
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNVFlQXc9PSIsImV4cCI6bnVsbCwicHVyIjoiYmxvYl9pZCJ9fQ==--10b778b6b1a4eb5f57b7bcb59957f088da32da22/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-01-20_10-18-44.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNVllQXc9PSIsImV4cCI6bnVsbCwicHVyIjoiYmxvYl9pZCJ9fQ==--ed14424a84586f8bb504c9714fc7f714bf5ab233/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-01-20_10-19-02.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNWNlQXc9PSIsImV4cCI6bnVsbCwicHVyIjoiYmxvYl9pZCJ9fQ==--c2b1e612d6520e46a8227a48f82239ca533316a3/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-01-20_10-18-59.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNWdlQXc9PSIsImV4cCI6bnVsbCwicHVyIjoiYmxvYl9pZCJ9fQ==--a4033a35f45a92494634da7d7ede3fc5ecf78209/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-01-20_10-19-08.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNVVlQXc9PSIsImV4cCI6bnVsbCwicHVyIjoiYmxvYl9pZCJ9fQ==--c564574b0ca2adfad27d2ab235abbdbc4245c286/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-01-20_10-19-05.jpg)
0 Reviews:
Post a Comment