សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានបង្ហាញនូវរូបរបស់សម្ដេច ជាមួយកូនប្រុសច្បង និងក្រុមគ្រួសារ ដើម្បីឱ្យក្រុមអ្នកវិភាគល្ងង់ទូយកទៅវិភាគបន្ត ដោយមិនចាំបាច់ទៅវិភាគរឿងផ្សេងនាំឱ្យលំបាកនោះ។
នៅលើបណ្ដាញទំនាក់ទំនងសង្គមហ្វេសប៊ុក នាព្រឹកថ្ងៃទី ០៤ ខែធ្នូ ឆ្នាំ២០២១ សម្ដេចតេជោបានសរសេរថា កន្លងមកមានក្មួយៗដែលនិយមលេងរូបថត បានផ្គុំរូបថតខ្ញុំជាមួយកូនប្រុសច្បងរបស់ខ្ញុំ ហ៊ុន ម៉ាណែត និងផ្គុំរូបថតខ្ញុំនិងភរិយា ជាមួយរូបថតម៉ាណែតនិងភរិយា។ គាត់បានប្រាប់ខ្ញុំថាលោកអុំសង្ហាដូចបងម៉ាណែត និងក្មួយខ្លះនិយាយថាអុំប្រុស អុំស្រីសង្ហាដូចបងម៉ាណែតនិងប្រពន្ធគាត់។ ខ្ញុំបានប្រាប់ទៅក្មួយៗវិញថាតើម៉ាណែត បង្កើតអុំ ឬអុំបង្កើតម៉ាណែត។
សម្ដេចតេជោនាយករដ្ឋមន្ត្រីបន្តថា អត្ថបទមួយនេះនឹងធ្វើឱ្យក្រុមវិភាគ យកទៅវិភាគបាន យ៉ាងហោចណាស់មួយសប្តាហ៍ ដើម្បីមានការងារធ្វើរកលុយចិញ្ចឹមជិវិត ឬសុំសិទ្ធិជ្រកកោននៅក្រៅប្រទេស។
សម្ដេចតេជោនាយករដ្ឋមន្ត្រីលើកឡើងថា ថ្ងៃមុនគេវិភាគរឿងចៅទី២១ស្រក់ទឹកភ្នែកតែមិនយំ។ ល្អហើយខ្ញុំមានចៅ២២នាក់ និងកូនបង្កើត កូនប្រសារ១០នាក់ ទៀតដែលខ្ញុំនឹងជួយពួកអ្នកឱ្យធ្វើការវិភាគតែរឿងគ្រួសារខ្ញុំ ដោយមិនចាំបាច់ទៅវិភាគរឿងផ្សេងនាំលំបាក។ នេះជាវិធីរុញទូកបណ្តោយទឹកដើម្បីតម្រូវចិត្តក្រុមវិភាគល្ងង់ទូ៕
![](https://static.information.gov.kh/rails/active_storage/blobs/eyJfcmFpbHMiOnsibWVzc2FnZSI6IkJBaHBBem42QWc9PSIsImV4cCI6bnVsbCwicHVyIjoiYmxvYl9pZCJ9fQ==--4a0b3c5ed3c508f06847b6053676779998f4d1e0/7DF9F8FE-58EC-4DE9-B5C2-64E5131.jpeg)
![](https://static.information.gov.kh/rails/active_storage/blobs/eyJfcmFpbHMiOnsibWVzc2FnZSI6IkJBaHBBenY2QWc9PSIsImV4cCI6bnVsbCwicHVyIjoiYmxvYl9pZCJ9fQ==--ecb2e081868dbac326b5a3acfea1ebc6b44f01b2/818F7350-AF58-4D1F-B452-F90FF64.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBeno2QWc9PSIsImV4cCI6bnVsbCwicHVyIjoiYmxvYl9pZCJ9fQ==--ae32aec98ccae97d2ae2bd4529fcb6b9130065ac/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/3D3AEC3B-D08D-4D29-8420-C247CA2.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBenI2QWc9PSIsImV4cCI6bnVsbCwicHVyIjoiYmxvYl9pZCJ9fQ==--27bd1703e3bf2067a74caa1cc5976c63b7f588b8/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/A8C8C116-BE16-4149-9831-DE61AAC.jpeg)
0 Reviews:
Post a Comment