សៀមរាប៖ ថ្លែងនៅក្នុងកិច្ចប្រជុំផ្សព្វផ្សាយ ស្តីពី “ការបើកទទួលទេសចរអន្តរជាតិ និងអ្នកដំណើរ ដែលបានចាក់វ៉ាក់សាំងកូវីដ-១៩ ពេញលេញ ចូលក្នុងព្រះរាជាណាចក្រកម្ពុជា” ដែលរៀបចំឡើងដោយក្រសួងទេសចរណ៍ នៅសណ្ឋាគារសុខាសៀមរាប នាព្រឹកថ្ងៃទី១៧ ខែវិច្ឆិកា ឆ្នាំ២០២១ ឯកឧត្តម ទៀ សីហា អភិបាល នៃគណ:អភិបាលខេត្ត មានប្រសាសន៍ថា៖ដើម្បីឱ្យខេត្តសៀមរាប ស័ក្តិសមជាខេត្តប៉ូលទេសចរណ៍មួយដ៏សំខាន់របស់ព្រះរាជាណាចក្រកម្ពុជា មានការទាក់ទាញភ្ញៀវទេសចរជាតិ-អន្តរជាតិ ឱ្យមកទស្សនាកម្សាន្ត នាពេលខាងមុខនេះ បានកាន់តែច្រើន បច្ចុប្បន្ននេះ រដ្ឋបាលខេត្ត អាជ្ញាធរជាតិអប្សរា រដ្ឋបាលក្រុងសៀមរាប និងមន្ទីរ-អង្គភាពជំនាញ កំពុងជម្រុញ និងយកចិត្តទុកដាក់លើការកែលម្អសោភ័ណភាពក្នុងក្រុងឱ្យបានកាន់តែល្អប្រសើរ ពិសេសលើផ្នែកហេដ្ឋារចនាសម្ព័ន្ធ ការបំពាក់ប្រព័ន្ធបំភ្លឺសាធារណ: ការរៀបចំប្រព័ន្ធបណ្តាញលូទឹកភ្លៀង និងទឹកកខ្វក់ ភ្លើងសញ្ញាចរាចរណ៍ កាមេរ៉ាសុវត្ថិភាព និងការដាំដើមឈើ ការរៀបចំសួនច្បារ ការដាក់ឈ្មោះផ្លូវ ការរៀបចំសណ្តាប់ធ្នាប់ សាធារណ: និងការរៀបចំកែលម្អនៅតាមតំបន់រមណីយដ្ឋានអង្គរ។
តាមរយ:ការកែលម្អហេដ្ឋារចនាសម្ព័ន្ធក្នុងក្រុងសៀមរាប នឹងជំរុញដល់ការលើកកម្ពស់សោភ័ណភាពក្រុង បានរួមចំណែកយ៉ាងខ្លាំងដល់វិស័យទេសចរណ៍ក្នុងខេត្តនេះ កាន់តែល្អប្រសើរថែមទៀត។ ជាពិសេសរដ្ឋបាលខេត្ត បានកំពុងសិក្សា និងរៀបចំទីក្រុងសៀមរាប ជាទីក្រុងឆ្លាតវៃអាស៊ាន(SMART CITY) ក្រោមកិច្ចសហប្រតិបត្តិការបច្ចេកទេសពីទីភ្នាក់ការងារសហប្រតិបត្តិការអន្តរជាតិជប៉ុន(JICA) ដើម្បីរៀបចំផែនការអភិវឌ្ឍទីក្រុងឆ្លាតវៃក្រុងសៀមរាប ដោយផ្តោតទៅលើការដោះស្រាយនូវវិស័យចំនួន ៤គឺ ១.វិស័យទេសចរណ៍ឆ្លាតវៃ, ២.វិស័យចល័តឆ្លាតវៃ, ៣.វិស័យសន្តិសុខឆ្លាតវៃ និង៤.វិស័យគ្រប់គ្រងសំណល់ឆ្លាតវៃ។ឯកឧត្តម ទៀ សីហា បន្តថា៖ ដើម្បីជាឱកាសសម្រាប់ត្រៀមលក្ខណ:ទទួលភ្ញៀវទេសចរជាតិ-អន្តរជាតិ រយ:ពេលវែង ក្រោមការដឹកនាំដ៏ត្រឹមត្រូវរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី បានផ្តល់គម្រោងស្ថាបនាហេដ្ឋារចនាសម្ព័ន្ធផ្លូវចំនួន ៣៨ខ្សែ ក្នុងក្រុងសៀមរាប មានប្រវែងសរុប ១០៨.៧៤ គីឡូម៉ែត្រ ប្រើប្រាស់កញ្ចប់ថវិកាពិសេសរបស់រាជរដ្ឋាភិបាល ចំនួន ១៥០ ដុល្លារអាមេរិក ដោយគិតត្រឹម ថ្ងៃទី១០ ខែវិចិ្ឆកា ឆ្នាំ២០២១ សម្រេចបានលទ្ធផលចំនួន ៨៩.៣៩% និងគម្រោងការស្តារ-កែលម្អដងស្ទឹងសៀមរាប សម្រេចបានចំនួន ៦៦%។ ទន្ទឹមនឹងនេះ ដោយមានសំណើសុំពី សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានគណ:កម្មការអន្តរក្រសួង ដើម្បីសិក្សា និងអនុវត្តគម្រោងស្ថាបនាហេដ្ឋារចនាសម័្ពន្ធផ្លូវចំនួន ៣៨ខ្សែ នៅក្នុងក្រុងសៀមរាប សម្តេចតេជោនាយករដ្ឋមន្ត្រី បានសម្រេចផ្តល់គម្រោងចំនួន ២បន្ថែមទៀត ក្នុងគម្រោងខាងលើនេះ គឺ ១.ការតភ្ជាប់បណ្តាញលូទឹកភ្លៀង និងទឹកកខ្វក់ចូលផ្ទះប្រជាពលរដ្ឋដោយឥតគិតថ្លៃ និង២.ធ្វើចំណតរថយន្តតាមបណ្តោយផ្លូវជាតិលេខ៦ ដោយចាក់ជាបេតុង។
ជាមួយគ្នានេះដែរ ដោយមានគោលការណ៍ណែនាំពីរាជរដ្ឋាភិបាល និងមានការយកចិតទុកដាក់ខិតខំប្រឹងប្រែងរបស់រដ្ឋបាលខេត្ត គណ:បញ្ជាការឯកភាពរដ្ឋបាលខេត្ត គណ:កម្មការប្រយុទ្ធនឹងជំងឺកូវីដ-១៩ មន្ទីរ-អង្គភាព រដ្ឋបាលក្រុង ស្រុក រដ្ឋបាលឃុំ-សង្កាត់ កងកម្លាំងសមត្ថកិច្ច និងអ្នកពាក់ព័ន្ធ រហូតមកដល់បច្ចុប្បន្ននេះ ការឆ្លងរាលដាលនៃជំងឺកូវីដ-១៩ នៅក្នុងខេត្តសៀមរាប ស្ថិតនៅក្រោមការគ្រប់គ្រងបានល្អប្រសើរ ដោយអត្រានៃការឆ្លង និងអត្រានៃការស្លាប់ស្ថិតនៅកម្រិតទាបបំផុត ហើយអត្រា នៃប្រជាពលរដ្ឋនៅក្នុងខេត្ត និងអ្នកបម្រើការនៅតាមអាជីវកម្មទេសចរណ៍ និងប្រជាពលរដ្ឋក្នុងខេត្ត បានទទួលការចាក់វ៉ាក់សាំងសម្រេចបានរហូតដល់ប្រមាណ៩៦% នៃប្រជាជនសរុប ដែលនេះជាមូលដ្ឋានគ្រឹះដ៏ចាំបាច់បំផុតសម្រាប់ការត្រៀមទទួលភ្ញៀវទេសចរ ដែលបានចាក់វ៉ាក់សាំងការពារជំងឺកូវីដ-១៩ ពេញលេញ។
ក្នុងនាមរដ្ឋបាលខេត្ត ឯកឧត្តម ទៀ សីហា បានអះអាងថា៖ ក្រៅពីការរៀបចំកែលម្អសោភ័ណភាពហេដ្ឋារចនាសម័្ពន្ធផ្លូវ បណ្តាញលូទឹកភ្លៀង និងទឹកកខ្វក់ បណ្តាញអគ្គិសនី បណ្តាញខ្សែកាប្លិ៍អុបទិក ការងារសន្តិសុខ សុវត្ថិភាព សណ្តាប់ធ្នាប់របៀបរៀបរយសាធារណ: នៅក្នុងក្រុងសៀមរាប និងនៅតំបន់រមណីយដ្ឋានអង្គរ រដ្ឋបាលខេត្ត អាជ្ញាធរជាតិអប្សរា មន្ទីរ-អង្គភាពជំនាញ រដ្ឋបាលស្រុក និងអ្នកពាក់ព័ន្ធ ក៏បានយកចិត្តទុកដាក់ខ្ពស់ ក្នុងការត្រៀម និងរៀបចំគោលដៅទេសចរណ៍ថ្មីៗ និងរៀបចំប្រព័ន្ធហេដ្ឋារចនាសម័្ពន្ធផ្លូវ ប្រព័ន្ធបណ្តាញអគ្គិសនី ប្រព័ន្ធបណ្តាញទឹកស្អាត...។ល។ នៅតាមបណ្តាស្រុកនានា ក្នុងខេត្តសៀមរាប ដើម្បីទាក់ទាញភ្ញៀវទេសចរជាតិ-អន្តរជាតិ និងបង្កលក្ខណ:ងាយស្រួលសម្រាប់ភ្ញៀវទេសចរធ្វើដំណើរទៅទស្សនាកម្សាន្ត និងស្នាក់នៅសម្រាកលំហែកាយនៅតាមតំបន់រមនីយដ្ឋានទាំងនោះ នាពេលខាងមុខនេះ៕ ដោយ៖ មន្ទីរព័ត៌មានខេត្តសៀមរាប សម្រួលផ្សាយដោយ៖ ដារ៉ា
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBd0x0QWc9PSIsImV4cCI6bnVsbCwicHVyIjoiYmxvYl9pZCJ9fQ==--274aae6a7ddb2b60cd3cec56b8161681bd37d5f4/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2021-11-17_20-16-16.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBd1B0QWc9PSIsImV4cCI6bnVsbCwicHVyIjoiYmxvYl9pZCJ9fQ==--1e9cc9d19d9c0d76b18d5e1dee2ee6d041deb912/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2021-11-17_20-16-17%20(2).j.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBd2J0QWc9PSIsImV4cCI6bnVsbCwicHVyIjoiYmxvYl9pZCJ9fQ==--e8478355c6387b2c00c2a48a51c5ba38c7b99e48/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2021-11-17_20-16-18.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBd1R0QWc9PSIsImV4cCI6bnVsbCwicHVyIjoiYmxvYl9pZCJ9fQ==--31b21812a08151993384a9116fada030117e1409/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2021-11-17_20-16-17.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBd3Z0QWc9PSIsImV4cCI6bnVsbCwicHVyIjoiYmxvYl9pZCJ9fQ==--78611e6b0da7afa8334acaeeadd40156b3fc2fb4/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2021-11-17_20-16-19.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBd3J0QWc9PSIsImV4cCI6bnVsbCwicHVyIjoiYmxvYl9pZCJ9fQ==--fb3eba338499a32d764618024b1be955b75ecaca/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2021-11-17_20-16-19%20(4).j.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBd250QWc9PSIsImV4cCI6bnVsbCwicHVyIjoiYmxvYl9pZCJ9fQ==--2586b0309f1d73829e2348d29a1e4bc0dd554b72/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2021-11-17_20-16-19%20(3).j.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBd2p0QWc9PSIsImV4cCI6bnVsbCwicHVyIjoiYmxvYl9pZCJ9fQ==--770179a9d26e2aac6167eff226be89c3c0064db3/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2021-11-17_20-16-19%20(2).j.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBd1h0QWc9PSIsImV4cCI6bnVsbCwicHVyIjoiYmxvYl9pZCJ9fQ==--de19a80d315b74d0526afeca01c6ac345a5560cc/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2021-11-17_20-16-18%20(2).j.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBd2Z0QWc9PSIsImV4cCI6bnVsbCwicHVyIjoiYmxvYl9pZCJ9fQ==--032b84868b335e6fed763f9ada71d4f241ac7ce2/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2021-11-17_20-16-18%20(3).j.jpg)
0 Reviews:
Post a Comment