ព័ត៌មានថ្មីប្រចាំថ្ងៃ

http://www.msktvonline.com/

Saturday, October 16, 2021

អភិបាលខេត្តស្វាយរៀង អញ្ជើញចុះពិនិត្យមើលវឌ្ឍនភាពនៃដំណើរការសាងសង់រោងចក្រផលិតសំបកកង់រថយន្ត

អ្នកទស្សនា: Views

 

ស្វាយរៀង៖ នៅព្រឹកថ្ងៃទី១៥ ខែតុលា ឆ្នាំ២០២១នេះ ឯកឧត្ដម ម៉ែន វិបុល អភិបាលខេត្តស្វាយរៀង បានអញ្ជើញចុះពិនិត្យមើលវឌ្ឍនភាពនៃដំណើរការសាងសង់រោងចក្រផលិតសំបកកង់រថយន្ត ក្នុងតំបន់សេដ្ឋកិច្ចពិសេសឈីលូជៀនពុចាយ ដែលមានការញ្ជើញចូលរួមអមដំណើរពីឯកឧត្តម អភិបាលរងខេត្ត លោកប្រធានមន្ទីរសាធារណការ និងដឹកជញ្ជូនខេត្ត លោកប្រធានមន្ទីរដែនដីនគររូបណីយកម្ម និងសំណង់ខេត្ត លោកប្រធានតំបន់សេដ្ឋកិខច្ចពិសេស លោកអភិបាលរងក្រុងនិងតំណាងរោងចក្រមួយចំនួនទៀត។

សូមជម្រាបជូនថា អ្នកវិនិយោគធំៗដែលបានបង្កើតរោងចក្រសហគ្រាសធំៗ និងបង្កើរការងារធ្វើជូនដល់ប្រជាពលរដ្ឋនៅក្នុងតំបន់សេដ្ឋកិច្ចពិសេឈីលូ ជៀនពុចាយ នៅសង្កាត់ស្វាយតឿ ក្រុងស្វាយរៀង បាននិងកំពុងដំណើរ ការផលិតកម្មរបស់ខ្លួនមានចំនួន៨រោងចក្រ ក្នុងចំណោម១១រោងចក្រដែលបានចុះបញ្ជីរ រួចរាល់ ទៅក្រសួង នឹងត្រូវសាងសង់នៅពេលបន្តបន្ទាប់ខាងមុខនេះ។

បន្ទាប់ពីបានចុះពិនិត្យរោងចក្រ ឯកឧត្តមនិងសហការីក៏បានបន្តដំណើរទៅពិនិត្យមើលហេដ្ឋារចនាសម្ព័ន្ធ ផ្លូវ និងស្ថានភាពនៅតាមច្រកទ្វាព្រំដែននានារវាងកម្ពុជា-វៀតណាមនៅព្រឹកថ្ងៃដដែលនេះផងដែរ៕ ដោយ៖ មន្ទីរព័ត៌មានខេត្តស្វាយរៀង សម្រួលផ្សាយដោយ៖ dara

0 Reviews:

Post a Comment