ត្បូងឃ្មុំ៖ ឯកឧត្តមទេសរដ្ឋមន្ត្រី គន់ គីម អនុប្រធាន និងជាអគ្គលេខាធិការសមាគមអតីតយុទ្ធជន បានអញ្ជើញចុះពិនិត្យការបើក យុទ្ធនាការចាក់វ៉ាក់សាំងបង្ការជំងឺកូវីដ១៩ (Astrazeneca) ដែលជាដូសទី៣ឬដូសជំរុញ ជូនអតីតយុទ្ធជនកម្ពុជា ជនពិការ និវត្តជន និងជនបាត់បង់សមត្ថភាពនៅក្នុងខេត្តត្បូងឃ្មុំ ចំនួនប្រមាណជាង២.០០០នាក់ នៅមន្ទីរពេទ្យបង្អែកស្រុកពញាក្រែក នៅថ្ងៃទី១៣ ខែសីហា ឆ្នាំ២០២១នេះ។
ថ្លែងបើកយុទ្ធនាការចាក់វ៉ាក់សាំងការពារជំងឺកូវីដ-១៩ ដូសទី៣ ជូនដល់អតីតយុទ្ធជននៅមន្ទីរពេទ្យបង្អែកស្រុកពញាក្រែក នាឱកាសនោះ ឯកឧត្តមទេសរដ្ឋមន្ត្រី គន់ គីម បានមានប្រសាសន៍ថា ៖ យុទ្ធនាការចាក់វ៉ាក់សាំងដូសទី៣ ជូនដល់អតីតយុទ្ធជនកម្ពុជា ក្នុងខេត្តត្បូងឃ្មុំ គឺដោយសារតែមានការយកចិត្តទុកដាក់ពីសំណាក់ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា អំពីសុខុមាលភាព របស់បងប្អូនអតីតយុទ្ធជន ដែលពួកគាត់បានពលីជួយជាតិមាតុភូមិ ឱ្យមានសុខសន្តិភាព និងការអភិវឌ្ឍន៍រហូតដល់សព្វថ្ងៃនេះ។
ឯកឧត្តមទេសរដ្ឋមន្ត្រី បានបន្តអំពាវនាវដល់ប្រជាពលរដ្ឋយកចិត្តទុកដាក់ថែរក្សាសុខភាព និងចូលរួមប្រយុទ្ធប្រឆាំងជំងឺកូវីដ១៩ ក្នុងព្រឹត្តិការណ៍សហគមន៍២០កុម្ភៈ ដោយអនុវត្តតាមវិធានទាំងឡាយ ដែលដាក់ចេញដោយរាជរដ្ឋាភិបាលកម្ពុជា។ ជាពិសេសអនុវត្តតាមអនុសាសន៍សម្តេចតេជោ ហ៊ុន សែន ៣កុំ (កុំចាប់ដៃ កុំចូលបន្ទប់បិទជិត កុំទៅកន្លែងជួបជុំ កុះករ) និង៣ការពារ (ពាក់ម៉ាស់ លាងដៃជាមួយសាប៊ូ ជែល អាល់កុល និងរក្សាគម្លាតចាប់ពី១.៥ម៉ែត្រឡើងទៅ)។
សូមបញ្ចាក់ថា៖ យុទ្ធនាការចាក់វ៉ាក់សាំងការពារជំងឺកូវីដ-១៩ (Astrazeneca) ដែលជាដូសទី៣ ឬ ដូសជំរុញ ជូនដល់អតីតយុទ្ធជន នាពេលនេះ ស្របពេលដែលរដ្ឋបាលខេត្តត្បូងឃ្មុំបើកដំណើរការនៃការចាក់វ៉ាក់សាំងការពារជំងឺកូវីដ-១៩ លើកទី៣ ជូនដល់មន្ត្រីរាជការ នៅសាលាខេត្តត្បូងឃ្មុំ មន្ទីរជុំវិញខេត្ត អាជីវករ អ្នកសារព័ត៌មាន ក្នុងស្រុក/ក្រុងទាំង៧ នៅតាមបណ្តាទីតាំងចំនួន៧កន្លែង មានដូចជា ៖ មន្ទីរពេទ្យបង្អែកព្រះនរោត្តម សីហនុ ត្បូងឃ្មុំ សាលាបឋមសិក្សាវាលកណ្ដៀង មន្ទីរពេទ្យបង្អេកស្រុកពញាក្រែក មន្ទីរពេទ្យបង្អែកស្រុក តំបែរ មន្ទីរពេទ្យបង្អែកស្រុកអូរាំងឪ មន្ទីរពេទ្យបង្អែកស្រុកមេមត់ និងមន្ទីរពេទ្យបង្អែកស្រុកក្រូចឆ្មារ៕
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMzZoQWc9PSIsImV4cCI6bnVsbCwicHVyIjoiYmxvYl9pZCJ9fQ==--99c8392df322dec1d44c8da79c3eb6b18a25103c/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/84432452-3A53-4C99-AB47-BD9CBC4.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMytoQWc9PSIsImV4cCI6bnVsbCwicHVyIjoiYmxvYl9pZCJ9fQ==--bb9f2f2a8537507d6573f92f34a93dafcd7bed04/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/AB9A23B3-5563-4895-AC42-AF84A8E.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNEdoQWc9PSIsImV4cCI6bnVsbCwicHVyIjoiYmxvYl9pZCJ9fQ==--6451f7f36d5c27f6603370af1b23670a5f7b59df/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/F4DFAB17-45A6-405B-A195-8AF004C.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNE9oQWc9PSIsImV4cCI6bnVsbCwicHVyIjoiYmxvYl9pZCJ9fQ==--bfafea8fb4b9912feecd1b111a6263fd8fafb14e/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/9AF27EA0-4023-4B82-8509-51D4CA4.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNENoQWc9PSIsImV4cCI6bnVsbCwicHVyIjoiYmxvYl9pZCJ9fQ==--67e0158031c82f17830bb72b1fb1faeec537e0aa/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/244D5DF8-C1EA-4147-9BD6-7383B7F.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNEtoQWc9PSIsImV4cCI6bnVsbCwicHVyIjoiYmxvYl9pZCJ9fQ==--5af8ea4e31d405419dcc0e7ef837636fa883fb92/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/C6D1A69D-37C6-4F28-9778-103BFA6.jpeg)
0 Reviews:
Post a Comment