ឯកឧត្តម អ៊ួច ភា អភិបាល នៃគណៈអភិបាលខេត្តតាកែវ រួមដំណើរនិងគណៈប្រតិភូ ចុះសួរសុខទុក្ខ កងកម្លាំងតាមគោលដៅទាំងបួន

(តាកែវ)៖ ថ្ងៃ សុក្រ 12 កើត ខែពិសាខ ឆ្នាំ ឆ្លូវ ត្រីស័ក ២៥៦៤ ត្រូវនឹងថ្ងៃ ២៣ ខែ មេសា ឆ្នាំ ២០២១ ឯកឧត្តម អ៊ួច ភា អភិបាលនៃគណៈអភិបាលខេត្ត តាកែវ និង គណៈប្រតិភូ បានចុះត្រួតពិនិត្យគោលដៅហាមឃាត់ប្រជាពលរដ្ឋមិនអោយធ្វើការឆ្លងកាត់ ពីខេត្តមួយទៅខេត្តមួយ ដើម្បីទប់ស្កាត់ការរីករាលដាលនៃជំងឺកូវីដ-១៩ នៅចំណុចស្ពានស្លាគូ ស្ថិតនៅភូមិស្រង៉ែ ឃុំឧត្តមសុរិយា ស្រុកត្រាំកក់  និង បានឧបត្ថម្ភ ទឹកសុទ្ធចំនួន ២៨ កេស ទឹកភេសជ្ជៈចំនួន ២០ កេស ម៉ាសចំនួន ៥០ ប្រអប់ មីចំនួន ២០ កេស និង ថវិកាចំនួន ២,០០០,០០០៛ ជូនដល់កម្លាំងដែលប្រចាំការនៅលើដងផ្លូវដែលមាន ០៤ គោលដៅក្នុងភូមិសាស្ត្រស្រុកត្រាំកក់ ។

 ឯកឧត្តមមានប្រសាសន៍ថា៖សូមឱ្យបងប្អូន ដែលឈរជើងតាមគោលដៅប្រុងប្រយ័ត្នឲ្យបានខ្ពស់បំផុត  នូវគោលការណ៍របស់ក្រសួងសុខាភិបាលគឺ៖ (បីកុំ បីការពារ) ដើម្បីជៀសផុតពីជំងឺកូវីត19 ទាំងអស់គ្នា៕